ಕೇಂದ್ರ ಸರ್ಕಾರ: ‘ಸೆ.30ʼರವರೆಗೆ ಕೊರೊನಾ ಮಾರ್ಗಸೂಚಿ ವಿಸ್ತರಣೆ : ಹಬ್ಬಗಳ ಋತುವಿನಲ್ಲಿ ಜನಸಂದಣಿ ತಡೆಯುವಂತೆ ರಾಜ್ಯಗಳಿಗೆ ತಾಕೀತು

 

ಕೇಂದ್ರ ಸರ್ಕಾರವು ಶನಿವಾರ ಅಸ್ತಿತ್ವದಲ್ಲಿರುವ ಕೋವಿಡ್ ಮಾರ್ಗಸೂಚಿಗಳನ್ನ ಸೆಪ್ಟೆಂಬರ್ 30ರವರೆಗೆ ವಿಸ್ತರಿಸಿದೆ. ಇದರ ಜೊತೆಗೆ ಹಬ್ಬದ ಋತುವಿನಲ್ಲಿ ಪರೀಕ್ಷೆಯನ್ನ ಹೆಚ್ಚಿಸಲು ಮತ್ತು ದೊಡ್ಡ ಸಭೆಗಳನ್ನ ತಪ್ಪಿಸುವಂತೆ ರಾಜ್ಯಗಳಿಗೆ ಸೂಚಿಸಿದೆ. ಹೆಚ್ಚುತ್ತಿರುವ ಪ್ರಕರಣಗಳು ಈ ಕಳವಳಕ್ಕೆ ಕಾರಣವಾಗಿದೆ.

ವಿಪತ್ತು ನಿರ್ವಹಣಾ ಕಾಯ್ದೆಯಡಿ ಗೃಹ ವ್ಯವಹಾರಗಳ ಸಚಿವಾಲಯವು ಈ ಆದೇಶಗಳನ್ನು ಹೊರಡಿಸಿದೆ. ಇನ್ನು ಅದರ ನಂತ್ರ ಕೇಂದ್ರ ಗೃಹ ಕಾರ್ಯದರ್ಶಿ ಅಜಯ್ ಭಲ್ಲಾ ಅವ್ರು ಎಲ್ಲಾ ರಾಜ್ಯಗಳ ಮುಖ್ಯ ಕಾರ್ಯದರ್ಶಿಗಳು ಮತ್ತು ಎಲ್ಲಾ ಕೇಂದ್ರಾಡಳಿತ ಪ್ರದೇಶಗಳ ಆಡಳಿತಗಾರರಿಗೆ ಪತ್ರ ಬರೆದ್ದಾರೆ.

'ಸಾಂಕ್ರಾಮಿಕ ರೋಗವನ್ನ ನಿರಂತರ ಆಧಾರದ ಮೇಲೆ ನಿಭಾಯಿಸಲು ಕೋವಿಡ್-19 ಸೂಕ್ತ ನಡವಳಿಕೆಯನ್ನು ಜಾರಿಗೊಳಿಸುವುದು ಅತ್ಯಗತ್ಯ. ಸಾರ್ವಜನಿಕವಾಗಿ ಮಾಸ್ಕ್‌ ಧರಿಸುವುದು, ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ದಂಡ ವಿಧಿಸುವುದು ಇತ್ಯಾದಿಗಳಿಗೆ ಸಂಬಂಧಿಸಿದಂತೆ ರಾಜ್ಯಗಳು/ಕೇಂದ್ರಾಡಳಿತ ಪ್ರದೇಶಗಳಿಂದ ಪಡೆದ ಸಾಪ್ತಾಹಿಕ ಜಾರಿ ದತ್ತಾಂಶವು ಜಾರಿಯಲ್ಲಿ ಕೆಳಮುಖ ಪ್ರವೃತ್ತಿಯನ್ನ ಸೂಚಿಸುತ್ತದೆ. ರೋಗದ ಹರಡುವಿಕೆಯನ್ನು ಪರಿಣಾಮಕಾರಿಯಾಗಿ ಪರಿಶೀಲಿಸಲು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಜಾರಿ ಪ್ರಯತ್ನಗಳನ್ನ ಹೆಚ್ಚಿಸಲು ಕೋರಲಾಗಿದೆ' ಎಂದು ಭಲ್ಲಾ ಅವರ ಪತ್ರದಲ್ಲಿ ಬರೆಯಲಾಗಿದೆ. ಇನ್ನು ಯಾವುದೇ ಸಡಿಲಿಕೆಗೆ ಅಧಿಕಾರಿಗಳನ್ನು ವೈಯಕ್ತಿಕವಾಗಿ ಜವಾಬ್ದಾರರನ್ನಾಗಿ ಮಾಡುವಂತೆ ರಾಜ್ಯಗಳಿಗೆ ಸೂಚಿಸಿದೆ.