ಕ್ರೈಂ ಸೀರಿಯಲ್ ನಿಂದ ಪ್ರೇರೇಪಿತರಾದ ಯುವಕರಿಂದ ಬೆಚ್ಚಿಬೀಳಿಸುವ ಕೃತ್ಯ

 ಲಕ್ನೋ: ಇಂದಿನ ಯುವಜನರು ಹೆಚ್ಚಾಗಿ ವೆಬ್ ಸಿರೀಸ್ ನೋಡುತ್ತಾರೆ. ಉತ್ತಮ ಸಂದೇಶ ನೀಡುವಂತ ಕಥೆಗಳಾದರೆ ಪರವಾಗಿಲ್ಲ. ಆದರೆ ಅಪರಾಧ ಪ್ರಕರಣದಂತಹ ಕಥೆಗಳಿದ್ದು, ಆ ರೀತಿ ಮಾಡಿದರೆ ಏನಾಗಬಹುದು..?

ಹೌದು, ಕ್ರೈಮ್ ವೆಬ್ ಸಿರೀಸ್ ನೋಡಿ ಅದರಿಂದ ಸ್ಪೂರ್ತಿ ಪಡೆದ ಮೂವರು ಯುವಕರು ಜ್ಯುವೆಲ್ಲರಿ ಅಂಗಡಿಯಲ್ಲಿ ದರೋಡೆ ಮಾಡಿರುವ ಆಘಾತಕಾರಿ ಘಟನೆ ಲಕ್ನೋದ ಗೋಮತಿ ನಗರದಲ್ಲಿ ನಡೆದಿದೆ. ಒಟಿಟಿ ಯಲ್ಲಿ ಪ್ರಸಾರವಾಗುವ ಅಪರಾಧ ವೆಬ್ ಸರಣಿ ಮನಿಹೀಸ್ಟ್ ನಿಂದ ಪ್ರೇರಣೆ ಪಡೆದ ಮೂವರು ಯುವಕರು ದರೋಡೆಗಿಳಿದಿದ್ದಾರೆ.

24 ಗಂಟೆಗಳಲ್ಲಿ ಪ್ರಕರಣವನ್ನು ಭೇದಿಸಿದ ಪೊಲೀಸರು ಕಿಂಗ್ ಪಿನ್ ನ್ನು ಪತ್ತೆಹಚ್ಚುವಲ್ಲಿ ಯಶಸ್ವಿಯಾದರು. ಕೌಂಟರ್ ನಲ್ಲಿ ಸೇಲ್ಸ್ ಮ್ಯಾನ್ ಆಗಿದ್ದ ಪ್ರದೀಪ್ ಹಾಗೂ ಆತನ ಇಬ್ಬರು ಗೆಳೆಯರ ಕೈಗೆ ಪೊಲೀಸರು ಕೋಳ ಹಾಕಿ ಜೈಲಿಗಟ್ಟಿದ್ದಾರೆ.

ಆರೋಪಿ ಇಮ್ರಾನ್ ನಿಂದ 15 ಲಕ್ಷ ರೂ. ಮೌಲ್ಯದ ಆಭರಣಗಳು, ಕಾರು ಹಾಗೂ ಬುರ್ಖಾವನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಅರ್ಧದಲ್ಲೇ ಶಾಲೆ ಬಿಟ್ಟ ಮೂವರು ಯುವಕರು ಐಷಾರಾಮಿ ಜೀವನಕ್ಕಾಗಿ ಕಳ್ಳತನಕ್ಕೆ ಇಳಿದಿದ್ದಾರೆ ಎಂದು ಪೊಲೀಸರು ತಿಳಿಸಿದರು

ಆಟವಾಡುತ್ತಾ ಕುಕ್ಕರ್‌ ತಲೆಯೊಳಗೆ ಸಿಲುಕಿಸಿಕೊಂಡ ಮಗು- ವೈದ್ಯರ ಹರಸಾಹಸ

 

ಆಗ್ರಾ: ಮನೆಯಲ್ಲಿ ಚಿಕ್ಕ ಮಕ್ಕಳನ್ನು ಜೋಪಾನ ಮಾಡುವುದು ದೊಡ್ಡ ಸವಾಲಿನ ಕೆಲಸವೇ. ಅವರು ಯಾವಾಗ ಏನು ಮಾಡುತ್ತಾರೆ ಎನ್ನುವುದನ್ನು ತಿಳಿಯುವುದೇ ಕಷ್ಟ. ಅಂಥದ್ದೇ ಒಂದು ಭಯಾನಕ ಘಟನೆ ಆಗ್ರಾದಲ್ಲಿ ನಡೆದಿದೆ. ಒಂದೂವರೆ ವರ್ಷದ ಮಗುವೊಂದು ಆಟವಾಡುತ್ತಿದ್ದಾಗ ತನ್ನ ತಲೆಯನ್ನು ಪ್ರೆಷರ್ ಕುಕ್ಕರ್ ಒಳಗೆ ಸಿಲುಕಿಸಿಕೊಂಡಿದೆ.

ಲೋಹಮಂಡಿಯಲ್ಲಿರುವ ಖಾಟಿಪುರದ ಬಳಿ ಈ ಘಟನೆ ನಡೆದಿದೆ. ಮನೆಯವರು ಕುಕ್ಕರ್‌ ಅನ್ನು ಕೆಳಗಡೆ ಇಟ್ಟಿದ್ದರು. ಈ ಸಂದರ್ಭದಲ್ಲಿ ಮಗು ಆಟವಾಡುತ್ತಾ ಅದನ್ನು ಎತ್ತಿಕೊಂಡು ತಲೆಯೊಳಕ್ಕೆ ಸಿಕ್ಕಿಸಿಕೊಂಡಿದೆ. ಕುಕ್ಕರ್‌ ಚಿಕ್ಕದು ಇದ್ದುದರಿಂದ ಅದನ್ನು ತೆಗೆಯಲು ಸಾಧ್ಯವೇ ಆಗಲಿಲ್ಲ.

ಸ್ವಲ್ಪ ಹೆಚ್ಚೂ ಕಡಿಮೆಯಾಗಿದ್ದರೂ ಮಗುವಿನ ಜೀವಕ್ಕೆ ಅಪಾಯವಿತ್ತು. ಉಸಿರುಕಟ್ಟುವ ಸಾಧ್ಯತೆ ಇತ್ತು. ಕೂಡಲೇ ಮನೆಯವರು ಎಚ್ಚೆತ್ತುಕೊಂಡು ವೈದ್ಯರಿಗೆ ಕರೆ ಮಾಡಿದ್ದಾರೆ. ಆಗ ಗ್ರೈಂಡರ್ ಯಂತ್ರದೊಂದಿಗೆ ಸ್ಥಳಕ್ಕೆ ದೌಡಾಯಿಸಿದ ವೈದ್ಯರ ತಂಡ ಮಗುವಿನ ತಲೆಗೆ ಯಾವುದೇ ರೀತಿಯ ತೊಂದರೆಯಾಗದಂತೆ ಸತತ ಎರಡು ಗಂಟೆಗಳ ಕಾಲ ಶ್ರಮ ವಹಿಸಿ ಯಂತ್ರದಿಂದ ಕುಕ್ಕರ್‌ ಅನ್ನು ಕಟ್ ಮಾಡಿದೆ. ಅದೃಷ್ಟವಶಾತ್‌ ಮಗುವಿನ ಪ್ರಾಣಕ್ಕೆ ಯಾವುದೇ ಅಪಾಯವಾಗಲಿಲ್ಲ.

ಮಕ್ಕಳು ಮನೆಯಲ್ಲಿ ಇದ್ದರೆ ಇಂಥ ಚಿಕ್ಕಚಿಕ್ಕ ವಿಷಯಗಳಿಗೂ ಗಮನಕೊಡಿ. ಇಲ್ಲದೇ ಹೋದರೆ ಮಗುವಿನ ಪ್ರಾಣವೇ ಹೋಗಬಹುದು ಎಂದು ವೈದ್ಯರು ಎಚ್ಚರಿಕೆ ನೀಡಿದ್ದಾರೆ.

ಗಂಡು ಮಗುವಿಗೆ ಜನ್ಮ ನೀಡಿಲ್ಲವೆಂದು ಪತ್ನಿ ಮೇಲೆ ಕುದಿಯುವ ನೀರೆರೆಚಿದ ನಿರ್ದಯ ಪತಿ!

ಶಹಜಹಾನ್ ಪುರ: ಉತ್ತರ ಪ್ರದೇಶದ ಶಹಜಹಾನ್ ಪುರದಿಂದ ಅತ್ಯಂತ ಭಯಾನಕ ಪ್ರಕರಣ ಬೆಳಕಿಗೆ ಬಂದಿದೆ. ಇಲ್ಲಿ ಒಬ್ಬ ವ್ಯಕ್ತಿಯು ತನ್ನ ಪತ್ನಿಯು ಗಂಡು ಮಗುವಿಗೆ ಜನ್ಮ ನೀಡಿಲ್ಲವೆಂದು ಆಕೆಯ ಮೇಲೆ ನಿರ್ದಯವಾಗಿ ಕುದಿಯುವ ನೀರೆರೆಚಿ ಪರಾರಿಯಾಗಿದ್ದಾನೆ. ಘಟನೆಯ ನಂತರ ಪ್ರದೇಶದಲ್ಲಿ ಭೀತಿಯ ವಾತಾವರಣ ಮನೆ ಮಾಡಿದೆ. 

ಘಟನೆಯ ನಂತರ, ಸಂತ್ರಸ್ತೆಯನ್ನು ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ಅಲ್ಲಿ ಆಕೆಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಕುದಿಯುವ ನೀರು ಆಕೆಯ ದೇಹದ ಮೇಲೆ ಬಿದ್ದಿದ್ದರಿಂದ ಮಹಿಳೆ ತೀವ್ರವಾಗಿ ಗಾಯಗೊಂಡಿದ್ದಾಳೆ. ಆಕೆಯ ಸ್ಥಿತಿ ಗಂಭೀರವಾಗಿದೆ ಎಂದು ವೈದ್ಯರು ತಿಳಿಸಿದ್ದಾರೆ. 

ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿದ ಪೊಲೀಸರು :
ಪತ್ನಿಗೆ ಕುದಿಯುವ ನೀರೆರೆಚಿ ಪರಾರಿಯಾಗಿರುವ  ಆರೋಪಿಯ ಹೆಸರು ಸತ್ಯಪಾಲ್ ಎಂದು ತಿಳಿದುಬಂದಿದೆ. ಸಂತ್ರಸ್ತೆಗೆ ಮೂವರು ಹೆಣ್ಣು ಮಕ್ಕಳಿದ್ದಾರೆ. ಆಕೆ ತನ್ನ ಕಿರಿಯ ಮಗುವಿಗೆ ಒಂದು ವರ್ಷದ ಹಿಂದೆ ಜನ್ಮ ನೀಡಿದ್ದಾಳೆ ಎಂದು ಪ್ರಾಥಮಿಕ ತನಿಕೆಯಿಂದ ತಿಳಿದುಬಂದಿದೆ. ಆರೋಪಿ ವಿರುದ್ಧ ಸಂಬಂದಿತ ಐಪಿಸಿ ಸೆಕ್ಷನ್ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದ್ದು ಆರೋಪಿಯನ್ನು ಹುಡುಕಲಾಗುತ್ತಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಪ್ರಕರಣದ ಬಗ್ಗೆ ಮಾಹಿತಿ ನೀಡಿರುವ ಶಹಜಹಾನ್ ಪುರ ಗ್ರಾಮಾಂತರ ಎಸ್ಪಿ ಸಂಜೀವ್ ಬಾಜಪೈ, ಸಂತ್ರಸ್ತೆಯು ಆರೋಪಿ ಸತ್ಯಪಾಲ್ ಅವರೊಂದಿಗೆ 2013 ರಲ್ಲಿ ವಿವಾಹವಾಗಿದ್ದಾರೆ. ಆರೋಪಿ ಸತ್ಯಪಾಲ್ ತನ್ನ ಮಡದಿಗೆ ತವರು ಮನೆಯಿಂದ 50,000 ರೂ.ಗಳನ್ನು ತರುವಂತೆ ಪೀಡಿಸುತ್ತಿದ್ದನು. ವರದಕ್ಷಿಣೆ ತರುವಂತೆ ತನ್ನ ಪತ್ನಿಗೆ ಸಾಕಷ್ಟು ಕಿರುಕುಳ ನೀಡುತ್ತಿದ್ದನು. ಇದಲ್ಲದೆ ಆಕೆ ಗಂಡು ಮಗುವಿಗೆ ಜನ್ಮ ನೀಡಿಲ್ಲ ಎಂಬ ಕಾರಣಕ್ಕೆ ಆಕೆಯನ್ನು ಹಿಂಸಿಸುತ್ತಿದ್ದನು. ಆಕೆಗೆ ಆಹಾರವನ್ನು ಸಹ ನೀಡುತ್ತಿರಲಿಲ್ಲ ಎಂದು ತನಿಖೆಯಲ್ಲಿ ತಿಳಿದುಬಂದಿದೆ ಎಂದಿದ್ದಾರೆ.

ಸಂತ್ರಸ್ತೆಯ ತಂದೆ ಪೊಲೀಸ್ ಠಾಣೆಯಲ್ಲಿ ಆರೋಪಿ ಅಳಿಯನ ವಿರುದ್ಧ ದೂರು ದಾಖಲಿಸಿದ್ದಾರೆ ಎಂದು ಅವರು ಹೇಳಿದರು. ಘಟನೆ ಬಳಿಕ ಆರೋಪಿ ತಲೆಮರೆಸಿಕೊಂಡಿದ್ದಾನೆ. ಆತನಿಗಾಗಿ ಹುಡುಕಾಟ ನಡೆಯುತ್ತಿದೆ. ಶೀಘ್ರದಲ್ಲೇ ಆತ ಪೊಲೀಸರ ವಶದಲ್ಲಿರುತ್ತಾನೆ. ಆತನ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಪೊಲೀಸರು ಭರವಸೆ ನೀಡಿದ್ದಾರೆ.

ವಯಸ್ಕ ಯುವತಿಯರು ಒಟ್ಟಿಗೆ ಇರಲು ಯು.ಪಿ. ನ್ಯಾಯಾಲಯ ಸಮ್ಮತಿ.

ಇಬ್ಬರು ವಯಸ್ಕ ಹುಡುಗಿಯರು, ತಾವು ಸಂಬಂಧದಲ್ಲಿದ್ದೇವೆ ಎಂದು ಹೇಳಿದ್ದು, ಉತ್ತರ ಪ್ರದೇಶದ ರಾಂಪುರ್ ಜಿಲ್ಲೆಯ ನ್ಯಾಯಾಲಯವು ಒಟ್ಟಿಗೆ ವಾಸಿಸಲು ಅನುಮತಿ ನೀಡಿತು.
ಪೊಲೀಸ್ ಮೂಲಗಳ ಪ್ರಕಾರ, ಜಿಲ್ಲೆಯ ಸುವಾರ್ ಪ್ರದೇಶದ ನಿವಾಸಿಯಾದ ಒಬ್ಬ ಹುಡುಗಿಯ ಪೋಷಕರು ಕಳೆದ ಹಲವು ದಿನಗಳಿಂದ ಹುಡುಗಿ ಕಾಣೆಯಾಗಿದ್ದಾಳೆ ಎಂದು ಪೊಲೀಸರಿಗೆ ದೂರು ನೀಡಿದ್ದರು. ನಂತರ ಆ ಹುಡುಗಿ ತನ್ನ ಗೆಳತಿಯೊಂದಿಗೆ ಜಿಲ್ಲೆಯ ಶಹಾಬಾದ್ ಪ್ರದೇಶದಲ್ಲಿ ವಾಸಿಸುತ್ತಿದ್ದಳು.
ವಿಚಾರಿಸಿದಾಗ ಇಬ್ಬರು 'ಲೈವ್ ಇನ್' ಸಂಬಂಧ ಹೊಂದಿದ್ದರು ಮತ್ತು ಅವರು ತಮ್ಮ ಕುಟುಂಬಗಳೊಂದಿಗೆ ವಾಸಿಸಲು ಬಯಸುವುದಿಲ್ಲ ಎಂದು ಪೊಲೀಸರಿಗೆ ಮಾಹಿತಿ ನೀಡಿದರು. '' ಅವರು (ಹುಡುಗಿಯರು) ಕಳೆದ ಹಲವು ದಿನಗಳಿಂದ ಒಟ್ಟಿಗೆ ವಾಸಿಸುತ್ತಿರುವುದು ಕಂಡುಬಂದಿದೆ, '' ಎಂದು ರಾಂಪುರದ ಪೊಲೀಸ್ ಅಧಿಕಾರಿಯೊಬ್ಬರು ತಿಳಿಸಿ...
ಇಬ್ಬರು ಹುಡುಗಿಯರ ಕುಟುಂಬ ಸದಸ್ಯರಿಗೆ ಅವರ ಸಂಬಂಧದ ಬಗ್ಗೆ ಮಾಹಿತಿ ನೀಡಲಾಗಿದೆ ಎಂದು ಅವರು ಹೇಳಿದರು. ಅವರ ಕುಟುಂಬಗಳು ತಮ್ಮ ಸಂಬಂಧವನ್ನು ಮುರಿದು ಮನೆಗೆ ಮರಳಲು ಹುಡುಗಿಯರನ್ನು ಮನವೊಲಿಸಲು ತಮ್ಮ ಕೈಲಾದಷ್ಟು ಪ್ರಯತ್ನಿಸಿದವು ಆದರೆ ಅವರು ಒಟ್ಟಾಗಿ ಬದುಕುವ ಬಗ್ಗೆ ಅಚಲವಾಗಿದ್ದರು.
ಇಬ್ಬರೂ ವಯಸ್ಕರಾಗಿದ್ದರಿಂದ, ನಾವು ಅವರನ್ನು ಅವರ ಕುಟುಂಬಗಳೊಂದಿಗೆ ವಾಪಸ್ ಹೋಗುವಂತೆ ಒತ್ತಾಯಿಸಲು ಸಾಧ್ಯವಿಲ್ಲ, '' ಎಂದು ರಾಂಪುರದ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದರು. ಬಾಲಕಿಯರನ್ನು ಸ್ಥಳೀಯ ಮ್ಯಾಜಿಸ್ಟ್ರೇಟ್ ಮುಂದೆ ಹಾಜರುಪಡಿಸಲಾಗಿದ್ದು, ಆಲಿಸಿದ ನಂತರ ಅವರು ಒಟ್ಟಿಗೆ ವಾಸಿಸಲು ಅನುವು ಮಾಡಿಕೊಟ್ಟರು ಎಂದು ಮೂಲಗಳು ತಿಳಿಸಿವೆ

ಮೊಬೈಲ್ ನಲ್ಲಿ ಮುಳುಗಿ ನವಜಾತ ಶಿಶುವನ್ನು ಸಜೀವವಾಗಿ ಸುಟ್ಟರೇ??

ಲಖನೌ: ಭಾನುವಾರ ನವಜಾತ ಶಿಶುವನ್ನು ಕೌಶಂಬಿ ಜಿಲ್ಲಾ ಆಸ್ಪತ್ರೆಯ ಸಿಕ್ ನ್ಯೂ ಬಾರ್ನ್ ಕೇರ್ ಯೂನಿಟ್ (ಎಸ್‌ಎನ್‌ಸಿಯು) ನಲ್ಲಿ ಬೆಚ್ಚಗೆ ಇರಿಸಲಾಗಿದ್ದಾಗ ಸಜೀವವಾಗಿ ಸುಟ್ಟುಹೋಗಿದೆ. ಕುಟುಂಬವು, ಆಸ್ಪತ್ರೆಯು ವೈದ್ಯಕೀಯ ನಿರ್ಲಕ್ಷ್ಯದಿಂದಾಗಿ ಶಿಶುವನ್ನು  ಕೊಂದಿದ್ದಾರೆಂದು  ಎಂದು ಆರೋಪಿಸಿದ್ದಾರೆ.

ಮೂಲಗಳ ಪ್ರಕಾರ, ಸಿಬ್ಬಂದಿ ತಮ್ಮ ಸೆಲ್‌ಫೋನ್‌ಗಳಲ್ಲಿ ಮಗ್ನರಾಗಿದ್ದರು ಮತ್ತು ಬೆಚ್ಚಗಾಗುವಿಕೆಯಿಂದ ಹೊಗೆ ಹೊರಹೊಮ್ಮಲು ಪ್ರಾರಂಭಿಸಿದಾಗ ಮಗುವನ್ನು ಗಮನಿಸಿದ್ದಾರೆ. ಅಷ್ಟರಲ್ಲಿ ಶಿಶುವಿನ ಎದೆ, ಬೆನ್ನು ಮತ್ತು ಹೊಟ್ಟೆಯನ್ನು ಬೆಚ್ಚಗಾಗುವ ಶಾಖ ಶಿಶುವನ್ನು ಸುಟ್ಟಿದೆ. 

ಆ ವೇಳೆಗೆ ಎಸ್‌ಎನ್‌ಸಿಯು ವಾರ್ಡ್‌ಗೆ ಧಾವಿಸಿದ ಮುಖ್ಯ ವೈದ್ಯಕೀಯ ಅಧೀಕ್ಷಕ ಡಾ.ದೀಪಕ್ ಸೇಠ್ ಸೇರಿದಂತೆ ಸಿಬ್ಬಂದಿ ವೈದ್ಯರನ್ನು ಎಚ್ಚರಿಸುವ ವೇಳೆಗೆ ಮಗು ಮೃತಪಟ್ಟಿದೆ ಎಂದು ಮೂಲಗಳು ತಿಳಿಸಿವೆ.

ಕುಟುಂಬಕ್ಕೆ ಹತ್ತಿರವಿರುವ ಮೂಲಗಳ ಪ್ರಕಾರ, ಎನ್‌ಎಸ್‌ಸಿಯು ವಾರ್ಡ್‌ನ ಸಿಬ್ಬಂದಿ ಮಗುವನ್ನು ಬೆಚ್ಚಗಾಗಿಸಿದ ನಂತರ ಅತ್ತ ಗಮನ ಹರಿಸದೆ  ಅವರ ಮೊಬೈಲ್ ಫೋನ್‌ಗಳಲ್ಲಿ ನಿರತರಾಗಿದ್ದಾರೆಂದು  ದೂರಿದ್ದಾರೆ..

ನವಜಾತ ಶಿಶುವಿನ ಮರಣದ ನಂತರ, ಆಕ್ರೋಶಗೊಂಡ ಕುಟುಂಬವು ಆಸ್ಪತ್ರೆಯಲ್ಲಿ ಗದ್ದಲವನ್ನು ಸೃಷ್ಟಿಸಿತು. ಕುಟುಂಬವನ್ನು ಸಮಾಧಾನಪಡಿಸಲು ಮಂಜನಪುರ ಪೊಲೀಸ್ ಠಾಣೆಯಿಂದ ಪೊಲೀಸರನ್ನು ಕರೆಸಲಾಯಿತು. ಕುಟುಂಬವು ಜಿಲ್ಲಾ ಆಸ್ಪತ್ರೆಯ ಸಿಎಂಎಸ್ ವಿರುದ್ಧ ದೂರು ದಾಖಲಿಸಿದೆ.

ಶಿಶುವಿನ ತಂದೆ ಜುನೈದ್ ಆಸ್ಪತ್ರೆಯ ಸಿಬ್ಬಂದಿಯ ವಿರುದ್ಧ ದೂರು ನೀಡಿದ್ದು, ತನಿಖೆ ಆರಂಭಿಸಲಾಗಿದೆ ಎಂದು ಇನ್ಸ್‌ಪೆಕ್ಟರ್ ಮಂಜನ್‌ಪುರ ಪೊಲೀಸ್ ಠಾಣೆ ಮನೀಶ್ ಪಾಂಡೆ ದೃಪಡಿಸಿದರು.

ಫತೇಪುರ್ ಜಿಲ್ಲೆಯ ಹರಿಶ್ಚಂದ್ರಪುರದ ಜುನೈದ್ ಅಹ್ಮದ್ ತನ್ನ ಗರ್ಭಿಣಿ ಪತ್ನಿ ಮಹೇಲಿಕಾಳನ್ನು ಶುಕ್ರವಾರ ಸಂಜೆ ಕುಶಾಂಬಿಯ ಜಿಲ್ಲಾ ಆಸ್ಪತ್ರೆಗೆ ದಾಖಲಿಸಿದರು. ಮಾಹೇಲಿಕಾ ಶನಿವಾರ ಸಂಜೆ 6:15 ಕ್ಕೆ ಗಂಡು ಮಗುವಿಗೆ ಜನ್ಮ ನೀಡಿದಳು.
ಮಗುವನ್ನು ಪರೀಕ್ಷಿಸಿದ ನಂತರ ವೈದ್ಯರು ಮಗುವನ್ನು ಸಂಪೂರ್ಣವಾಗಿ ಆರೋಗ್ಯವಾಗಿಲ್ಲ ಎಂದು ಹೇಳಿ ಶಿಶುವನ್ನು ಎಸ್‌ಎನ್‌ಸಿಯು ವಾರ್ಡ್‌ಗೆ ಸ್ಥಳಾಂತರಿಸಿದರು. ಇಡೀ ರಾತ್ರಿ ಮಗುವನ್ನು ನೋಡಲು ಕುಟುಂಬಕ್ಕೆ ಅವಕಾಶವಿರಲಿಲ್ಲ. ಭಾನುವಾರ ಬೆಳಿಗ್ಗೆ, ನವಜಾತ ಶಿಶುವಿನ ತಾಯಿಯ ಅಜ್ಜಿ ಶಬಾನಾ SNCU ಗೆ ಭೇಟಿ ನೀಡಿದರು. ಶಿಶು ನೀಲಿ ಬಣ್ಣಕ್ಕೆ ತಿರುಗಿ  ದೇಹದಿಂದ ಹೊಗೆ ಹೊರಹೊಮ್ಮುತ್ತಿರುವುದನ್ನು ಅಜ್ಜಿ ಗಮನಿಸಿದಳು. ಕುಟುಂಬವು ವೈದ್ಯರನ್ನು ಪ್ರಶ್ನಿಸಿದಾಗ, ಸಿಬ್ಬಂದಿ ಕ್ಷಮೆಯಾಚಿಸಿ ಅಲ್ಲಿಂದ ಕಾಲಿಗೆ ಬುದ್ದಿ ಹೇಳಿದ್ದಾರೆ.

ಕುಟುಂಬದ ಮೂಲಗಳ ಪ್ರಕಾರ, ಜನನದ ನಂತರ, ಮಗು ಹಾಲು ತೆಗೆದುಕೊಳ್ಳುತ್ತಿರಲಿಲ್ಲ ಆದ್ದರಿಂದ SNCU ಗೆ ಸ್ಥಳಾಂತರಿಸಲಾಯಿತು.ಜುನೈದ್ ಅವರ ಹಿರಿಯ ಸಹೋದರ ಜಾವೇದ್ ಹೇಳುವಂತೆ, ಅವರು ಭಾನುವಾರ ಮುಂಜಾನೆ ಮಗುವನ್ನು ಭೇಟಿ ಮಾಡಲು ಪ್ರಯತ್ನಿಸಿದಾಗ, ಅವರು ಮೊಬೈಲ್ ಫೋನ್‌ನಲ್ಲಿ ಕಾರ್ಯನಿರತರಾಗಿರುವುದನ್ನು ನೋಡಿದರು ಮತ್ತು ಯಾರೂ ಅವರಿಗೆ ಪ್ರತಿಕ್ರಿಯಿಸುತ್ತಿಲ್ಲ.

ದುರದೃಷ್ಟಕರ ಘಟನೆ ಕುರಿತು ತನಿಖೆ ನಡೆಸಲಾಗುವುದು ಮತ್ತು ತಪ್ಪಿತಸ್ಥರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಸಿಎಂಎಸ್ ಡಾ. ದೀಪಕ್ ಸೇಠ್ ಹೇಳಿದ್ದಾರೆ.

 

Interesting News:ದುಬಾರಿ ಮಾವು ಬೆಳೆದು, ಭದ್ರತೆ ಕೋರಿದ ದಂಪತಿ.

ಕೃಷಿಕರಾದ ಸಂಕಲ್ಪ್​​ ಪರಿಹಾರ್​​ ಹಾಗೂ ಅವರ ಪತ್ನಿ ರಾಣಿ ವಿಶ್ವದಲ್ಲೇ ದುಬಾರಿ ಬೆಲೆಯ ಮಾವನ್ನು ಬೆಳೆದಿದ್ದಾರೆ. ಕೆಲವು ವರ್ಷಗಳ ಹಿಂದೆ ತಮ್ಮ ತೋಟದಲ್ಲಿ ಮಾವಿನ ಬೀಜಗಳನ್ನು ಹೂತಿದ್ದರಂತೆ. ಮಾವಿನ ಗಿಡ ದೊಡ್ಡದಾಗಿ ಫಲ ನೀಡಲು ಆರಂಭವಾದಾಗ ಯಾವ ತಳಿಯ ಮಾವು ಇದು ಎಂದು ವಿಚಾರಿಸಿದ್ದಾರೆ. 

ಜಬಲ್​​ಪುರ್​: ಉತ್ತರ ಪ್ರದೇಶದ ದಂಪತಿ ವಿಶ್ವದಲ್ಲೇ ಅಪರೂಪದ ತಳಿಯ ಮಾವು ಬೆಳೆಯುವ ಮೂಲಕ ಎಲ್ಲರ ಗಮನ ಸೆಳೆಯುತ್ತಿದ್ದಾರೆ. ಇಲ್ಲಿನ ಕೃಷಿಕರಾದ ಸಂಕಲ್ಪ್​​ ಪರಿಹಾರ್​​ ಹಾಗೂ ಅವರ ಪತ್ನಿ ರಾಣಿ ವಿಶ್ವದಲ್ಲೇ ದುಬಾರಿ ಬೆಲೆಯ ಮಾವನ್ನು ಬೆಳೆದಿದ್ದಾರೆ. ಕೆಲವು ವರ್ಷಗಳ ಹಿಂದೆ ತಮ್ಮ ತೋಟದಲ್ಲಿ ಮಾವಿನ ಬೀಜಗಳನ್ನು ಹೂತಿದ್ದರಂತೆ. ಮಾವಿನ ಗಿಡ ದೊಡ್ಡದಾಗಿ ಫಲ ನೀಡಲು ಆರಂಭವಾದಾಗ ಯಾವ ತಳಿಯ ಮಾವು ಇದು ಎಂದು ವಿಚಾರಿಸಿದ್ದಾರೆ. ಆಗ ಅವರಿಗೆ ತಾವು ಬೆಳೆದಿರುವ ಮಾವು ಮಿಯಝಾಕಿ ಜಾತಿಗೆ ಸೇರಿದ ವಿಶ್ವದಲ್ಲೇ ಅತ್ಯಂತ ಅಪರೂಪದ ಮಾವಿನ ತಳಿ ಎಂದು ಗೊತ್ತಾಗಿದೆ.

ಜಪಾನ್​ ದೇಶಕ್ಕೆ ಸೇರಿದ ಮಾವಿನ ತಳಿ ಇದಾಗಿದೆ. ಕಳೆದ ವರ್ಷ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 1 ಕೆಜಿ ಮಾವು ಬರೋಬ್ಬರಿ 2.70 ಲಕ್ಷಕ್ಕೆ ಮಾರಾಟವಾಗಿದೆ. ಈ ವರ್ಷವೂ ಸಂಕಲ್ಪ್​​ ಪರಿಹಾರ್ ಅವರ ತೋಟದಲ್ಲಿ ಫಸಲು ಬಂದಿದ್ದು, ಎಲ್ಲಿಲ್ಲದ ಬೇಡಿಕೆ ಇದೆ. ತಾವು ಬೆಳೆಯುತ್ತಿರುವ ಮಾವಿನ ಸಸಿ ಮಿಯಝಾಕಿ ಜಾತಿಗೆ ಸೇರಿದೆ ಎಂದು ಗೊತ್ತಾಗುವ ಮೊದಲೇ ಕೃಷಿಕ ದಂಪತಿ ಮಾವಿನ ಗಿಡಕ್ಕೆ ದಾಮಿನಿ ಎಂದು ಹೆಸರಿಟ್ಟಿದ್ದರು. ಈಗಲೂ ಅವರಿಗೆ ಮಿಯಝಾಕಿ ಮಾವಿನ ಮರ ಅವರ ಮುದ್ದಿನ ದಾಮಿನಿಯೇ ಆಗಿದೆ. ಅಪರಿಚಿತ ವ್ಯಕ್ತಿಯಿಂದ ಬಂದ ಅದೃಷ್ಟ!

ಇನ್ನು ಇವರಿಗೆ ಈ ಅಪರೂಪದ ಮಾವಿನ ಬೀಜಗಳು ಸಿಕ್ಕಿದ ಕಥೆಯೂ ರೋಚಕವಾಗಿದೆ. ಕೆಲ ವರ್ಷಗಳ ಹಿಂದೆ ರೈಲಿನಲ್ಲಿ ಪ್ರಯಾಣಿಸುತ್ತಿದ್ದಾಗ ವ್ಯಕ್ತಿಯೊಬ್ಬರು ಮಾವಿನ ಬೀಜಗಳನ್ನು ಕೊಟ್ಟು. ಇವನ್ನು ಮಕ್ಕಳಂತೆ ಸಾಕಿ ಎಂದಿದ್ದರಂತೆ. ರೈತ ಸಂಕಲ್ಪ್​ ಅವರು ಬೀಜಗಳನ್ನು ತಂದು ತಮ್ಮ ತೋಟದಲ್ಲಿ ನೆಟ್ಟಿದ್ದರು. ಈಗ ಅವರಿಗೆ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಖ್ಯಾತಿಯನ್ನು ಈ ಮಾವಿನ ಮರಗಳು ತಂದುಕೊಟ್ಟಿವೆ.

ದುಬಾರಿ ಮಾವಿಗೆ ಕಳ್ಳರ ಕಾಟ..!ಖ್ಯಾತಿಯ ಜೊತೆ ಸಮಸ್ಯೆಯೂ ಇವರನ್ನು ಕಾಡುತ್ತಿದೆಯಂತೆ. ಸಂಕಲ್ಪ್​​ ಅವರ ತೋಟದಲ್ಲಿರುವ ಮಾವು ವಿಶ್ವದಲ್ಲೇ ದುಬಾರಿ ಎಂದು ಸ್ಥಳೀಯರಿಗೆ ತಿಳಿದ ನಂತರ ಸಮಸ್ಯೆ ಎದುರಾಗಿದೆಯಂತೆ. ಕಳೆದ ವರ್ಷ ಕಳ್ಳರು ಇವರ ತೋಟಕ್ಕೆ ನುಗ್ಗಿ ಮಾವಿನ ಹಣ್ಣುಗಳನ್ನು ಕದ್ದಿದ್ದಾರೆ. ಈ ಹಿನ್ನೆಲೆಯಲ್ಲಿ ಈ ವರ್ಷ ರೈತ ದಂಪತಿ ಮಾವಿನ ಮರಗಳ ರಕ್ಷಣೆಗೆ ಭದ್ರತಾ ಪಡೆಯನ್ನು ನೇಮಿಸಿಕೊಂಡಿದ್ದಾರೆ. ಜೊತೆಗೆ 6 ಶ್ವಾನಗಳ ತಂಡವನ್ನೂ ತೋಟಕ್ಕೆ ಕಾವುಲಾಗಿ ಇಟ್ಟಿದ್ದಾರೆ. ಕೇವಲ 7 ಮಾವಿನಹಣ್ಣುಗಳನ್ನು ಕಾಯಲು ಭದ್ರತಾ ಪಡೆ, ಶ್ವಾನ ದಳವನ್ನು ನೇಮಿಸಿಕೊಂಡಿದ್ದಾರೆ.

ಮಾವಿನ ಹಣ್ಣಿಗೆ ಭರ್ಜರಿ ಬೇಡಿಕೆ! ಇನ್ನು ಈ ವರ್ಷದ ಮಾವನ್ನು ಖರೀದಿಸಲು ದೇಶಾದ್ಯಂತ ಅನೇಕರು ಮುಂದಾಗಿದ್ದಾರೆ. ಬ್ಯುಸಿನೆಸ್​ ಮ್ಯಾನ್​ ಒಬ್ಬರು ಒಂದು ಮಾವಿನ ಹಣ್ಣಿಗೆ 21 ಸಾವಿರ ರೂಪಾಯಿ ನೀಡಲು ಮುಂದಾಗಿದ್ದಾರೆ. ಇನ್ನು ಮುಂಬೈ ಮೂಲಕ ಆಭರಣ ಅಂಗಡಿಯ ಮಾಲೀಕರೊಬ್ಬರು ಎಷ್ಟಾದರೂ ಹಣ ಕೇಳಿ ಕೊಡುತ್ತೇನೆ ಎಂದು ಸೂಪರ್​ ಆಫರ್​ ಕೊಟ್ಟಿದ್ದಾರೆ. ಆದರೆ ಈ ಬಾರಿ ಯಾರಿಗೂ ಹಣ್ಣನ್ನು ಮಾರಬಾರದು ಎಂದು ಸಂಕಲ್ಪ್​​ ಪರಿವಾರ್​ ದಂಪತಿ ನಿರ್ಧರಿಸಿದ್ದಾರಂತೆ. ಭಾರತದಲ್ಲೇ ಅಪರೂಪದಲ್ಲಿ ಅಪರೂಪವಾಗಿರುವ ಹಣ್ಣನ್ನು ಹಣಕ್ಕಾಗಿ ಮಾರದೇ ಇರಲು ನಿರ್ಧರಿಸಿದ್ದಾರೆ.

Shocking news :‌ ʼಮದುವೆ ಮನೆʼಯಲ್ಲಿಯೇ ಪ್ರಾಣ ಬಿಟ್ಟ ವಧು., ಮೃತ ವಧುವಿನ ತಂಗಿಗೆ ತಾಳಿ ಕಟ್ಟಿದ ವರ..!

ಉತ್ತರ ಪ್ರದೇಶ:ಉತ್ತರ ಪ್ರದೇಶದ ಇಟಾವಾ ಜಿಲ್ಲೆಯ ಭರ್ಥಾನದ ಸಮಸ್ಪುರದಲ್ಲಿ ಆಘಾತಕಾರಿ ಸಂಗತಿಯೊಂದು ನಡೆದಿದ್ದು, ಮುಹೂರ್ತಕ್ಕೂ ಸ್ವಲ್ಪ ಸಮಯದ ಮುಂಚೆ ಮದುವೆಯಾಗ್ಬೇಕಾ ವಧು ಸಾವನ್ನಪ್ಪಿದ್ದಾಳೆ. ನಂತರ ವರ ವಧುವಿನ ತಂಗಿಯನ್ನ ವರಿಸಿದ್ದಾನೆ.

ಹೌದು, ಭರ್ಥಾನದ ಸಮಸ್ಪುರದಲ್ಲಿ ಯುವ ಜೋಡಿಯೊಂದು ಬಂಧು- ಬಳಗ, ಕುಟುಂಬಸ್ಥರ ಸಮ್ಮುಖದಲ್ಲಿ ಶಾಸ್ತ್ರೋಸ್ತವಾಗಿ ಸಪ್ತಪದಿ ತುಳಿಯಲು ಸಿದ್ಧರಾಗಿದ್ರು. ಮಾಲೆಗಳನ್ನೂ ಬದಲಾಯಿಸಿಕೊಂಡ್ರು.. ಇನ್ನೇನು ಮುಹೂರ್ತ ಹತ್ತಿರವಾಯ್ತು. ಇನ್ನೇನು ಪುರೋಹಿತರು ʼಮಾಂಗಲ್ಯ ಧಾರಣೆʼ ಎಂದು ಘೋಷಿಸ್ಬೇಕು, ಅಷ್ಟರಲ್ಲಾಗ್ಲೇ ಆಘಾತಕಾರಿ ಘಟನೆಯೊಂದು ನಡೆದು ಹೋಗಿದೆ.
 ಹೌದು, ಶಾಸ್ತ್ರೋತ್ರವಾಗಿ ನಡೆಯುತ್ತಿದ್ದ ಮದುವೆಯಲ್ಲಿ ವಧು ವರರು ಮಾಲೆಗಳನ್ನ ಬದಲಾಇಸಿಕೊಂಡ್ರು. ನಂತ್ರ ದಂಪತಿಗಳು ಮಾಂಗಲ್ಯ ಧಾರಣೆಗೆ ತಯಾರಿ ನಡೆಸುತ್ತಿದ್ರು, ಅಷ್ಟರಲ್ಲಿ ವರ ಮಂಜೇಶ್ ಕುಮಾರ್ ಪಕ್ಕದಲ್ಲಿ ನಿಂತಿದ್ದ ವಧು ಸುರಭಿ ಇದ್ದಕ್ಕಿದ್ದಂತೆ ಪ್ರಜ್ಞೆ ತಪ್ಪಿ ನೆಲಕ್ಕೆ ಬಿದ್ದಿದ್ದಾಳೆ. ತಕ್ಷಣವೇ ವೈದ್ಯರನ್ನ ಕರೆಸಲಾಯ್ತು. ಆದ್ರೆ, ಅಷ್ಟೊತ್ತಿಗಾಗ್ಲೇ ವಧುವಿನ ಪ್ರಾಣ ಪಕ್ಷಿ ಹಾರಿ ಹೋಗಿತ್ತು. ವಧು ಸುರಭಿ ಹೃದಯ ಸ್ತಂಭನಕ್ಕೆ ಒಳಗಾಗಿ ಮೃತಪಟ್ಟಿರುವುದಾಗಿ ವೈದ್ಯರು ದೃಢಪಡಿಸಿದ್ರು. ಸಂಭ್ರಮದ ಮನೆ ಸೂತಕದ ಮನೆಯಾಗಿ ಮಾರ್ಪಾಡಾಯ್ತು.

ಈ ಗೊಂದಲದಲ್ಲಿ ಅಲ್ಲಿದವರ್ಯಾರೋ ವಧುವಿನ ತಂಗಿಯ ಜೊತೆಗೆ ಮದುವೆ ಮಾಡಿ ಎಂದು ಸಲಹೆ ನೀಡಿದ್ದಾರೆ. ಅದ್ರಂತೆ, ಎರಡೂ ಕುಟುಂಬಗಳು ಒಟ್ಟಿಗೆ ಕುಳಿತು, ವಧು ಸುರಭಿ ತಂಗಿ ನಿಶಾಳನ್ನ ವರನೊಂದಿಗೆ ಮದುವೆ ಮಾಡಲು ಚರ್ಚಿಸಿದವು. ಇದಕ್ಕೆ ಅವರಿಬ್ಬರ ಒಪ್ಪಿಗೆಯನ್ನೂ ಪಡೆದರು. ನಂತ್ರ ಸುರಭಿಯ ದೇಹವನ್ನ ಮತ್ತೊಂದು ಕೋಣೆಯಲ್ಲಿ ಇರಿಲಾಯ್ತು. ನಂತ್ರ ಮಂಜೇಶ್ ಮತ್ತು ನಿಶಾ ಮದುವೆಯನ್ನ ನೆರವೇರಿಲಾಯಿತು. ಮದುವೆಯ ನಂತ್ರ ಸುರಭಿಯ ಅಂತಿಮ ಸಂಸ್ಕಾರ ನಡೆಸಲಾಗಿದೆ.

ಈ ಬಗ್ಗೆ ಪ್ರತಿಕ್ರಿಸಿದ ಮೃತ ಸುರಭಿ ಸಹೋದರ, 'ಪರಿಸ್ಥಿತಿಯಲ್ಲಿ ಏನು ಮಾಡಬೇಕು ಅನ್ನೋದು ನಮಗೆ ತಿಳಿದಿರಲಿಲ್ಲ. ಎರಡೂ ಕುಟುಂಬಗಳು ಒಟ್ಟಿಗೆ ಕುಳಿತಿದ್ದವು ಮತ್ತು ನನ್ನ ತಂಗಿ ನಿಶಾ, ವರನೊಂದಿಗೆ ಮದುವೆಯಾಗಬೇಕೆಂದು ಯಾರೋ ಸಲಹೆ ನೀಡಿದರು. ಕುಟುಂಬಗಳು ಈ ಬಗ್ಗೆ ಚರ್ಚಿಸಿದವು ಮತ್ತು ಇಬ್ಬರೂ ಒಪ್ಪಿದರು. ಆಗ ಸುರಭಿಯ ದೇಹವನ್ನು ಮತ್ತೊಂದು ಕೋಣೆಯಲ್ಲಿ ಇರಿಸಲಾಯಿತು ಮತ್ತು ಮಂಜೇಶ್ ಅವರ ಮದುವೆಯನ್ನ ನಿಶಾಳೊಂದಿಗೆ ನೆರವೇರಿತು. ಮದುವೆಯ ನಂತ್ರ ಸುರಭಿಯ ಅಂತಿಮ ಸಂಸ್ಕಾರ ಮಾಡಿ ಮುಗಿಸಿದೆವು' ಎಂದರು.

ಇನ್ನು ಸುರಭಿಯ ಚಿಕ್ಕಪ್ಪ ಅಜಬ್ ಸಿಂಗ್, 'ಇದು ನಮ್ಮ ಕುಟುಂಬಕ್ಕೆ ಕಠಿಣ ಕರೆಯಾಗಿತ್ತು. ಒಂದು ಕೋಣೆಯಲ್ಲಿ ಒಬ್ಬ ಮಗಳು ಸತ್ತಿದ್ದಳು ಮತ್ತು ಇನ್ನೊಬ್ಬ ಮಗಳ ಇನ್ನೊಂದು ಕೋಣೆಯಲ್ಲಿ ಮದುವೆ ನಡೆಯುತ್ತಿತ್ತು. ಇಂತಹ ಮಿಶ್ರ ಭಾವನೆಗಳನ್ನ ನಾವು ಎಂದಿಗೂ ಅನುಭವಿಸಿರ್ಲಿಲ್ಲ' ಎಂದರು.