ರಾಹುಲ್ ಗಾಂಧಿಯವರ ಇಚ್ಛಾಶಕ್ತಿ ಎದುರು ಒಂದು ಕ್ಷಣ ಮಳೆಯೂ ಮಂಕಾದಂತಿತ್ತು : ಜಮೀರ್ ಅಹ್ಮದ್

ಬೆಂಗಳೂರು: ನಿನ್ನೆ ರಾತ್ರಿ ಮಳೆ ಬಂದರೂ ಸಹ ಅದನ್ನು ಲೆಕ್ಕಿಸದೆ ರಾಹುಲ್ ಗಾಂಧಿ ತಮ್ಮ ಭಾಷಣವನ್ನು ಮುಂದುವರೆಸಿದ್ದರು. ಈ ದೃಶ್ಯ ಎಲ್ಲೆಡೆ ವೈರಲ್ ಆಗಿದೆ. ಮಳೆಯೇ ಬರಲಿ, ಬಿಸಿಲೆ ಇರಲಿ ಕನ್ಯಾಕುಮಾರಿಯಿಂದ ಕಾಶ್ಮೀರದ ತನಕ ಯಾತ್ರೆ ನಿಲ್ಲಲ್ಲ ಎಂದು ರಾಹುಲ್ ಗಾಂಧಿ ಶಪಥ ಮಾಡಿದ್ದರು. ಆ ಶಪಥದಂತೆ ರಾತ್ರಿ ಮಳೆಯ ನಡುವೆಯೇ ರಾಹುಲ್ ಗಾಂಧಿ ಭಾಷಣ ಮಾಡಿದ್ದಾರೆ.

ಈ ಬಗ್ಗೆ ಕಾಂಗ್ರೆಸ್ ನಾಯಕರು ಹಮ್ಮೆ ಪಟ್ಟಿದ್ದಾರೆ. ಫೋಟೋ ಹಂಚಿಕೊಂಡು ಖುಷಿ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಟ್ವೀಟ್ ಮಾಡಿರುವ ಶಾಸಕ ಜಮೀರ್ ಅಹ್ಮದ್, ಒಳ್ಳೆಯ ಕೆಲಸ ಮಾಡುವ ಧೃಡ ಸಂಕಲ್ಪ ನಮ್ಮಲ್ಲಿದ್ದರೆ, ಏನೇ ಎದುರಾದರೂ ಅದನ್ನು ತಪ್ಪಿಸಲು ಸಾಧ್ಯವೇ ಇಲ್ಲ ಎಂಬುದಕ್ಕೆ ಈ ದೃಶ್ಯವೇ ಸಾಕ್ಷಿ. ನಮ್ಮ ಪಕ್ಷದ ನಾಯಕರಾದ ರಾಹುಲ್ ಗಾಂಧಿ ಅವರು ಇಂದು ಮೈಸೂರಿನಲ್ಲಿ ಸುರಿಯುವ ಮಳೆಯನ್ನೂ ಲೆಕ್ಕಿಸದೇ ಭಾರತ ಐಕ್ಯತಾ ಯಾತ್ರೆಯ ಪ್ರಯುಕ್ತ ಆಯೋಜಿಸಿದ್ದ ಕಾರ್ಯಕ್ರಮ ಉದ್ದೇಶಿಸಿ ಮಾತನಾಡಿ, ನೆರೆದವರಿಗೆ ಉತ್ಸಾಹ, ಹುಮ್ಮಸ್ಸು ತುಂಬಿದರು.

ರಾಹುಲ್ ಗಾಂಧಿಯವರ ಇಚ್ಛಾಶಕ್ತಿಯ ಎದುರು ಒಂದು ಕ್ಷಣ ಮಳೆಯೂ ಮಂಕಾದಂತಿತ್ತು. ಯಾರು ಎಷ್ಟೇ ಅಡ್ಡಿಪಡಿಸಲಿ, ನೂರೆಂಟು ವಿಘ್ನಗಳು ಬರಲಿ, ಭಾರತ ಐಕ್ಯತಾ ಯಾತ್ರೆ ಮುಂದುವರಿಯುತ್ತದೆ. ಕಾಂಗ್ರೆಸ್ ಪಕ್ಷ ಎಂತಹಾ ಕ್ಲಿಷ್ಟ ಸಂದರ್ಭದಲ್ಲೂ ದೇಶದ ಅಭಿವೃದ್ಧಿಗಾಗಿ ಹಾಗೂ ಜನರ ದನಿಯಾಗಿ ನಿಲ್ಲಲಿದೆ ಎಂಬ ಸಂದೇಶವನ್ನು ರಾಹುಲ್ ಗಾಂಧಿ ಅವರು ನೀಡಿದ್ದಾರೆ. ಅವರ ಬದ್ಧತೆಗೆ ನನ್ನದೊಂದು ಸಲಾಂ ಎಂದು ಟ್ವೀಟ್ ಮಾಡಿದ್ದಾರೆ.

The post ರಾಹುಲ್ ಗಾಂಧಿಯವರ ಇಚ್ಛಾಶಕ್ತಿ ಎದುರು ಒಂದು ಕ್ಷಣ ಮಳೆಯೂ ಮಂಕಾದಂತಿತ್ತು : ಜಮೀರ್ ಅಹ್ಮದ್ first appeared on Kannada News | suddione.

source https://suddione.com/even-the-rain-for-a-moment-paled-against-rahul-gandhis-willpower-jameer-ahmed/