ವರ್ಷಗಳಿಂದ ಉಗುರುಗಳನ್ನು ಅಗಿಯುವ ಅಭ್ಯಾಸದಿಂದ, ದೇಹದ ಒಳಗೆ ಪರೋನಿಚಿಯಾದಂತಹ ಅನೇಕ ಬ್ಯಾಕ್ಟೀರಿಯಾಗಳು ಸೇರಲು
ಕಾರಣವಾಗುತ್ತದೆ. ಈ ಬ್ಯಾಕ್ಟೀರಿಯಾಗಳು ಕೈಕಾಲುಗಳ ಸಂಧಿಗಳ ಮೇಲೆ ಪ್ರಭಾವ ಬೀರುತ್ತದೆ.
·
ಕೆಲವರಿಗೆ ಉಗುರುಗಳನ್ನು ಕಚ್ಚುವ ಅಭ್ಯಾಸವಿರುತ್ತದೆ.
·
ಈ ಅಭ್ಯಾಸವು ಹಲ್ಲುಗಳ ಆಕಾರವನ್ನು ಹಾಳು ಮಾಡುತ್ತದೆ
· ಸಂಧಿವಾತಕ್ಕೂ ಕಾರಣವಾಗಬಹುದು ಈ ಕೆಟ್ಟ ಅಭ್ಯಾಸ
ಕೆಲವರಿಗೆ ಯಾವಾಗ ನೋಡಿದರೂ ಉಗುರು ಕಚ್ಚುವ ಅಭ್ಯಾಸವಿರುತ್ತದೆ. ಈ ಪೈಕಿ ಕೆಲವರಿಗೆ ಇದು
ಒಳ್ಳೆಯ ಅಭ್ಯಾಸವಲ್ಲ ಎಂದು ಗೊತ್ತಿದ್ದರೂ ಮತ್ತೆ ಮತ್ತೆ ಅದನ್ನೇ ಮಾಡುತ್ತಿರುತ್ತಾರೆ.
ನಿಮಗೂ ಈ ಕೆಟ್ಟ ಅಭ್ಯಾಸವಿದ್ದರೆ ಇಂದೇ ಬಿಟ್ಟುಬಿಡಿ. ಇದರಿಂದ ಬಹಳಷ್ಟು ಆರೋಗ್ಯ
ಸಮಸ್ಯೆಗಳು ಎದುರಾಗುತ್ತವೆ. ಉಗುರುಗಳನ್ನು ಅಗಿಯುವುದರಿಂದ ಆರೋಗ್ಯಕ್ಕೆ ಸಂಬಂಧಿಸಿದ
ಗಂಭೀರ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಈ ಕೆಟ್ಟ ಅಭ್ಯಾಸವು ಚರ್ಮದಿಂದ ಹಿಡಿದು
ಹಲ್ಲುಗಳ ಆಕಾರವನ್ನು ಕೂಡಾ ಹಾಳು ಮಾಡುತ್ತದೆ.
1. ಸಂಧಿವಾತಕ್ಕೆ ಕಾರಣವಾಗಬಹುದು :
ವರ್ಷಗಳಿಂದ ಉಗುರುಗಳನ್ನು ಅಗಿಯುವ ಅಭ್ಯಾಸದಿಂದ, ದೇಹದ ಒಳಗೆ
ಪರೋನಿಚಿಯಾದಂತಹ ಅನೇಕ ಬ್ಯಾಕ್ಟೀರಿಯಾಗಳು ಸೇರಲು ಕಾರಣವಾಗುತ್ತದೆ. ಈ
ಬ್ಯಾಕ್ಟೀರಿಯಾಗಳು ಕೈಕಾಲುಗಳ ಸಂಧಿಗಳ ಮೇಲೆ ಪ್ರಭಾವ ಬೀರುತ್ತದೆ. ಇದನ್ನು ಸೆಪ್ಟಿಕ್
ಆರ್ಥರೈಟಿಸ್ ಎಂದು ಕರೆಯುತ್ತಾರೆ. ಈ ರೋಗಕ್ಕೆ ಚಿಕಿತ್ಸೆ ಅಷ್ಟು ಸುಲಭವಲ್ಲ. ಇದು
ಶಾಶ್ವತ ಅಂಗವೈಕಲ್ಯಕ್ಕೂ ಕಾರಣವಾಗಬಹುದು.
2. ಚರ್ಮದ ಹಾನಿ
ಸಂಭವಿಸಬಹುದು:
ಉಗುರು ಕಚ್ಚುವ ಅಭ್ಯಾಸ ಬ್ಯಾಕ್ಟೀರಿಯಾದ ಸೋಂಕಿಗೆ ಕಾರಣವಾಗಬಹುದು. ಇದು ಮುಖದ
ಮೇಲೆ ಕೆಂಪು ಕಲೆ ಮತ್ತು ಊತಕ್ಕೆ ಕಾರಣವಾಗಬಹುದು. ಉಗುರುಗಳ ಕೆಳಗೆ ಬ್ಯಾಕ್ಟೀರಿಯಾದ
ಸೋಂಕು ಕಂಡು ಬರಬಹುದು. ಈ ಕಾರಣದಿಂದಾಗಿ, ಕೀವು
ಕಾಣಿಸಿಕೊಳ್ಳುತ್ತದೆ. ಹೀಗಾದರೆ ಸಹಿಸಲು ಸಾಧ್ಯವಾಗದ ನೋವು ಕಾಣಿಸಿಕೊಳ್ಳುತ್ತದೆ.
3. ಹಲ್ಲುಗಳ ಆಕಾರ ಹದಗೆಡಬಹುದು:
ಉಗುರು ಕಚ್ಚುವ ಅಭ್ಯಾಸದಿಂದ ಬಳಲುತ್ತಿರುವ ಜನರ ಹಲ್ಲುಗಳಲ್ಲಿ ಅನೇಕ
ಸಮಸ್ಯೆಗಳು ಎದುರಾಗಬಹುದು. ಈ ಕಾರಣದಿಂದಾಗಿ, ಹಲ್ಲುಗಳು
ಮುರಿಯಬಹುದು. ಹಲ್ಲುಗಳು ಬಿರುಕು ಬಿಡಬಹುದು. ಹಲ್ಲುಗಳ ಮಧ್ಯೆ ಕಲೆಗಳು ಕೂಡ ರೂಪುಗೊಳ್ಳಬಹುದು.
ಇದು ಒಸಡುಗಳು ದುರ್ಬಲಗೊಳ್ಳಲು ಕೂಡಾ ಕಾರಣವಾಗುತ್ತದೆ.
4. ಉಗುರು ಬೆಳವಣಿಗೆ ನಿಲ್ಲಬಹುದು:
ವರ್ಷಗಳಿಂದ ಉಗುರುಗಳನ್ನು
ಅಗಿಯುತ್ತಿದ್ದರೆ, ಅದನ್ನು ದೀರ್ಘಕಾಲದ ಅಭ್ಯಾಸ ಎಂದು
ಪರಿಗಣಿಸಬೇಕಾಗುತ್ತದೆ. ಇದರಿಂದ ಉಗುರಿನೊಳಗಿನ ಟಿಶ್ಯೂ ಹಾಳಾಗಬಹುದು. ಇದು
ಶಾಶ್ವತ ಹಾನಿಯನ್ನುಂಟುಮಾಡುತ್ತದೆ. ಉಗುರುಗಳನ್ನು ಅಗಿಯುವ ಅಭ್ಯಾಸದಿಂದ ಉಗುರುಗಳ ಬೆಳವಣಿಗೆ
ನಿಂತು ಹೋಗುತ್ತದೆ.
No comments:
Post a Comment