ಕೊರೊನಾ ವಾರಿಯರ್, ‘ಪೊಲೀಸ್’ ಕುರಿತು ಕಿರುಚಿತ್ರ ನಿರ್ದೇಶನ, ಎಸ್.ಎಸ್.ರಾಜಮೌಳಿ!

ಆರ್ ಆರ್ ಆರ್ ನಿರ್ದೇಶಕ ಎಸ್ ಎಸ್ ರಾಜಮೌಳಿ, ಅವರು ಚಲನಚಿತ್ರ ನಿರ್ಮಾಣದ ವಿಷಯದಲ್ಲಿ ಯಾವಾಗಲೂ ಪ್ರೇಕ್ಷಕರ ನಿರೀಕ್ಷೆಯನ್ನು ಹೆಚ್ಚು ಎತ್ತರಕ್ಕೆ ಇಟ್ಟಿದ್ದಾರೆ, ಮತ್ತು ಭಾರತದ ಅತ್ಯಂತ ಪ್ರಸಿದ್ಧ ನಿರ್ದೇಶಕರು ಕಿರುಚಿತ್ರವೊಂದಕ್ಕೆ ಚುಕ್ಕಾಣಿ ಹಿಡಿಯಲು ಸಿದ್ಧರಾಗಿದ್ದಾರೆ.

ಕೊವಿಡ್ -19ರ ಸಾಂಕ್ರಾಮಿಕ ರೋಗದ  ಸಮಯದಲ್ಲಿ ಪೊಲೀಸ್ ಇಲಾಖೆ ಕೈಗೊಂಡ ಪ್ರಯತ್ನದ ಬಗ್ಗೆ ನಿರ್ದೇಶಕರು 19 ನಿಮಿಷಗಳ ಕಿರುಚಿತ್ರವನ್ನು ತರಿಸಲಿದ್ದಾರೆ ಎಂದು ವರದಿಗಳು ತಿಳಿಸಿವೆ. ಹೀಗಿರುವ ಕೊರೋನಾ ಹಾವಳಿ ಮುಗಿಯುವ ಮೊದಲು ಚಿತ್ರ ನಿರ್ಮಾಪಕರು,  ನಿರ್ದೇಶಕರು ಚಿತ್ರೀಕರಣವನ್ನು ಮುಗಿಸುವ ವಿಚಾರವಾಗಿ   ಈಗಾಗಲೇ ತೆಲಂಗಾಣ ಪೊಲೀಸರನ್ನು ಸಂಪರ್ಕಿಸಿ ಅವರೊಂದಿಗೆ ಕಿರುಚಿತ್ರ ಕುರಿತು ಚರ್ಚಿಸಿದ್ದಾರೆ ಎಂದು ಹೇಳಲಾಗಿದೆ. ಅಧಿಕೃತ ದೃಡೀಕರಣಕ್ಕಾಗಿ ಕಾಯುತ್ತಿದ್ದರೂ, ಕರೋನವೈರಸ್ ಸಾಂಕ್ರಾಮಿಕ ಸಮಯದಲ್ಲಿ ಪೊಲೀಸ್ ಇಲಾಖೆ ಕೈಗೊಂಡ ಪ್ರಯತ್ನಗಳ ಬಗ್ಗೆ ಅಭಿಮಾನಿಗಳು ಚಲನಚಿತ್ರವನ್ನು ನೋಡಲು ಉತ್ಸುಕರಾಗಿದ್ದಾರೆ.

ಸಾಂಕ್ರಾಮಿಕ ರೋಗದ ಎರಡನೇ ಅಲೆಯಿಂದ ಎಲ್ಲರೂ ಸುರಕ್ಷಿತವಾಗಿರಲು ಆರ್‌ಆರ್‌ಆರ್‌ನ ಸಿಬ್ಬಂದಿ ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯರಾಗಿದ್ದಾರೆ, ಔಷಧಿಗಳು, ಹಾಸಿಗೆಗಳು ಮತ್ತು ಇತರ ಅಗತ್ಯಗಳಿಗಾಗಿ ವಿನಂತಿ ಮಾಡಿದ್ದಾರೆ. ರಾಜಮೌಳಿ ಅವರ ಕೊನೆಯ ಚಿತ್ರ ಬಾಹುನಲಿ-2ದಿ ಕನ್‌ಕ್ಲೂಷನ್ 2017 ರಲ್ಲಿ ತೆರೆಗೆ ಬಂತು ಮತ್ತು ಕಳೆದ ನಾಲ್ಕು ವರ್ಷಗಳಿಂದ ಭಾರತದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲಿಯೂ ಅಭಿಮಾನಿಗಳು ತಮ್ಮ ಮುಂದಿನ ಚಿತ್ರ ತೆರೆಗೆ ಬರಲು ಕಾಯುತ್ತಿದ್ದಾರೆ.

ಆರ್‌ಆರ್‌ಆರ್ ತೆಲುಗು ಮತ್ತು ಇತರ ಭಾರತೀಯ ಭಾಷೆಗಳಲ್ಲಿ ಅಕ್ಟೋಬರ್ 13 ರಂದು ತೆರೆಗೆ ಬರಲಿದೆ.