ನಾಯಕನಹಟ್ಟಿ: ಹಿರೇಕೆರೆಗೆ 1 ಅಡಿ ಮಳೆ ನೀರು.

 

ಚಿತ್ರದುರ್ಗ(ನಾಯಕನಹಟ್ಟಿ): ಚಳ್ಳಕೆರೆ ತಾಲೂಕಿನ ಬೆಳಗಟ್ಟ, ಹಾಯ್ಕಲ್ , ಹುಣಸೆಕಟ್ಟೆ ಪ್ರದೇಶದಲ್ಲಿ ಸೋಮವಾರ ಸುರಿದ ಉತ್ತಮ ಮಳೆಗೆ ತಿಪ್ಪೇರುದ್ರಸ್ವಾಮಿಗಳು ನಿರ್ಮಿಸಿದ ಹಿರೇಕೆರೆಗೆ ಒಂದು ಅಡಿ ನೀರು ಹರಿದಿದೆ.ಕಳೆದ ವರ್ಷ 10 ಅಡಿ ಇದ್ದ ನೀರಿನ ಪ್ರಮಾಣ ಬೇಸಿಗೆಯಲ್ಲಿ 7 ಅಡಿಗೆ ಕಸಿದಿತ್ತು. ಇದೀಗ ಕೆರೆ ಮೇಲ್ಭಾಗದ ಪ್ರದೇಶದಲ್ಲಿ ಉತ್ತಮ ಮಳೆಯಿಂದಾಗಿ ಹಿರೇಕೆರೆಗೆ ಒಂದು ಅಡಿಯಷ್ಟು ನೀರು ಬಂದಿದೆ.