ವಿಜ್ಞಾನ ವಸ್ತುಪ್ರದರ್ಶನ : ರೇಖಲಗೆರೆ ಲಂಬಾಣಿ ಹಟ್ಟಿ ಸರ್ಕಾರಿ ಪ್ರೌಢಶಾಲೆ ಜಿಲ್ಲಾ ಮಟ್ಟಕ್ಕೆ ಆಯ್ಕೆ

 

ಚಳ್ಳಕೆರೆ,(ಅ.30) : ತಾಲ್ಲೂಕಿನ ರೇಖಲಗೆರೆ ಲಂಬಾಣಿ ಹಟ್ಟಿ ಸರ್ಕಾರಿ ಪ್ರೌಢಶಾಲೆಯು ವಿಜ್ಞಾನ ವಸ್ತುಪ್ರದರ್ಶದ ಜಿಲ್ಲಾ ಮಟ್ಟಕ್ಕೆ ಆಯ್ಕೆಯಾಗಿದೆ.

ಚಳ್ಳಕೆರೆಯ ಚಿನ್ಮಯಿ ಪ್ರೌಢಶಾಲೆಯ ಆವರಣದಲ್ಲಿ  ದಿನಾಂಕ : 29-10-2022 ರಂದು ತಾಲ್ಲೂಕು ಮಟ್ಟದ ವಿಜ್ಞಾನ ವಸ್ತುಪ್ರದರ್ಶನವನ್ನು ಶಾಲಾ ಶಿಕ್ಷಣ ಮತ್ತು ಸಾಕ್ಷರತಾ ಇಲಾಖೆ ಆಯೋಜಿಸಿತ್ತು.

ಗಣಿತ,ಭೌತವಿಜ್ಞಾನ, ರಸಾಯನವಿಜ್ಞಾನ, ಭೂಮಿ ಮತ್ತು ಬಾಹ್ಯಾಕಾಶ, ಬಯೋಸೈನ್ಸ್ , ಬಯೋ ಕೆಮಿಸ್ಟ್ರಿ, ಪರಿಸರ ವಿಜ್ಞಾನ , ಎಂಜಿನಿಯರಿಂಗ್ ಕಂಪ್ಯೂಟರ್ ಸೈನ್ಸ್ ವಿಷಯಕ್ಕೆ ಸಂಬಂಧಿಸಿದಂತೆ ಒಟ್ಟು 95 ವಿವಿಧ ಮಾದರಿಗಳು ಪ್ರದರ್ಶನಗೊಂಡವು.

ಸರ್ಕಾರಿ ಪ್ರೌಢಶಾಲೆ ರೇಖಲಗೆರೆ ಲಂಬಾಣಿ ಹಟ್ಟಿ ಶಾಲೆಯ ವಿದ್ಯಾರ್ಥಿನಿಯರುಗಳಾದ ಭಾರತಿ ಮತ್ತು ಅನುರಾಧ ಇವರು ತಯಾರಿಸಿದ ತೇಲುವ ಮನೆ ಮತ್ತು ತೇಲುವ ಕೊಟ್ಟಿಗೆ ವೈಜ್ಞಾನಿಕ ಮಾದರಿಯು ವಿನೂತನ ಮಾದರಿಯಾಗಿತ್ತು. ಕಡಲ ತೀರ ಪ್ರದೇಶದಲ್ಲಿ, ನದಿ ತೀರ ಪ್ರದೇಶದಲ್ಲಿ ವಾಸಿಸುವ ಜನರು ಈ ರೀತಿಯ ತೇಲುವ ಮನೆ ಮತ್ತು ತೇಲುವ ಕೊಟ್ಟಿಗೆಗಳನ್ನು ನಿರ್ಮಿಸಿಕೊಂಡರೆ ಎಷ್ಟೇ ಪ್ರವಾಹ  ಬಂದರು ಈ ಮನೆಗಳು ನೀರಿನಲ್ಲಿ ಮುಳುಗಿ ಅಲ್ಲಿನ ಜನರ ಪ್ರಾಣ – ಹಾನಿ, ಜಾನುವಾರುಗಳ ಹಾನಿಯನ್ನು ಉಂಟಾಗದಂತೆ ತಡೆಯುತ್ತದೆ.ಅತ್ಯಂತ ವಿನೂತನವಾದ  ತಂತ್ರವನ್ನು ಈ ಮಾದರಿಯಲ್ಲಿ ಅಳವಡಿಸಲಾಗಿದೆ.

ನೀರಿನಲ್ಲಿ ಕಟ್ಟುವ ಸೇತುವೆಗಳ ತಂತ್ರವನ್ನು ಹಾಗೂ ನೀರಿನಲ್ಲಿ ತೇಲುವ ಹಡಗಿನ ಮಾದರಿಯಲ್ಲಿ ಮನೆಯ ಬುನಾದಿಯನ್ನು ತೇಲುವ ವಸ್ತುಗಳನ್ನು ಬಳಸಿ ನಿರ್ಮಿಸಿ, ಮನೆಯ ನಾಲ್ಕು ಮೂಲೆಯಲ್ಲಿ ಆಟೋಮ್ಯಾಟಿಕ್ ಜಾಕಿಂಗ್ ವ್ಯವಸ್ತೆಯನ್ನು ಅಳವಡಿಸಲಾಗಿದ್ದು, ನೀರಿನ ಪ್ರವಾಹದಿಂದಾಗಿ ಮನೆಯ ಸುತ್ತ ನೀರು ಅವರಿಸಿಕೊಂಡಾಗ ಮನೆ ನೀರಿನಲ್ಲಿ ಕೆಳಗಿಂದ ಮೇಲೆ ಚಲಿಸುವಂತೆ, ಹಾಗೂ ನೀರು ಖಾಲಿಯಾದಾಗ  ಮೇಲಿನಿಂದ ಕೆಳಗೆ   ಚಲಿಸುವಂತ ತಂತ್ರವನ್ನು ಉಪಯೋಗಿಸಲಾಗಿದೆ, ಆಗ ಮನೆಯಲ್ಲಿರುವ ಅಥವಾ ಕಾಂಪ್ಲೆಕ್ಸ್ ನಲ್ಲಿರುವ  ಜನರು ನೀರು ಪಾಲಗದೆ ಮನೆಯಲ್ಲಿ ಜೀವಂತವಾಗಿರುತ್ತಾರೆ ತುರ್ತು ಸಂಧರ್ಭದಲ್ಲಿ ರಕ್ಷಣಾ ಪಡೆಯವರು ಸುಲಭವಾಗಿ  ಇವರನ್ನು ರಕ್ಷಿಸಿ ಸುರಕ್ಷಿತ ಪ್ರದೇಶಕ್ಕೆ ವರ್ಗಾವಣೆ ಮಾಡಬಹುದು, ಮನೆಯ ಸುತ್ತ ನಾಲ್ಕು ಮೂಲೆಗಳಲ್ಲಿ ನಾಲ್ಕು ಪಿಲ್ಲರ್ ಗಳನ್ನ ನೀರಿನ ಆಳದಲ್ಲಿ ಬೆಡ್ ನಿಂದ ನಿರ್ಮಿಸಿ ಮನೆ ನೀರಿನಲ್ಲಿ ತೇಲುವ ಸಮಯದಲ್ಲಿ ಹೆಚ್ಚಿನ ಪ್ರವಾಹದಿಂದ ಪಲ್ಟಿ ಹೊಡೆದು ನೀರಿನಲ್ಲಿ ಮುಳಗದಂತೆ ಮನೆಯ ಸುತ್ತಲೂ ತಡೆಗಳನ್ನು ಸಹ ಈ ಮಾದರಿಯಲ್ಲಿ ನಿರ್ಮಿಸಲಾಗಿದೆ. ಇದೆ ರೀತಿಯಲ್ಲಿ ತೇಲುವ ಕೊಟ್ಟಿಗೆಯ ಮಾದರಿಯನ್ನು ತಯಾರಿಸಲಾಗಿದ್ದು ಅದರಲ್ಲಿರುವ ಜಾನುವಾರುಗಳು ನೀರು ಪಾಲಾಗಿ ಅಸು ನೀಗುವುದನ್ನು  ತಪ್ಪಿಸಿ ಅವುಗಳನ್ನು ಸಹ ರಕ್ಷಿಸಿ ಸುರಕ್ಷಿತ ಪ್ರದೇಶಕ್ಕೆ ಕೊಂಡೊಯ್ಯಬಹುದು.

ಈ ಮಾದರಿಯನ್ನು ಪ್ರವಾಹದ ಸಂಧರ್ಭದಲ್ಲಿ ಉಂಟಾಗುವ ನಷ್ಟವನ್ನು ಹಾಗೂ ಭಾರಿ ಪ್ರವಾಹದಂತಹ ವಿಪತ್ತುಗಳನ್ನು ನಿರ್ವಹಣೆ ಮಾಡಿ ಆರ್ಥಿಕವಾಗಿ ಉಂಟಾಗುವ ನಷ್ಟವನ್ನು, ಮಾನವ ಸಂಪನ್ಮೂಲ ನಷ್ಟವನ್ನು, ಹಾಗೂ ಜಾನುವಾರುಗಳ ಸಂತತಿಯ ಸಂಖ್ಯೆ ಕಡಿಮೆಯಾಗದಂತೆ ತಡೆಗಟ್ಟುವ ಮುಖ್ಯವಾದ ಉದ್ದೇಶಗಳನ್ನು ಈ ಮಾದರಿಯು ಹೊಂದಿದೆ. ಶಾಲೆಯ ವಿಜ್ಞಾನ ಶಿಕ್ಷಕರಾದ ನಾಗಭೂಷಣ್ ಕೆ.ಟಿ.ಇವರು  ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನವನ್ನು  ನೀಡಿದ್ದಾರೆ.

ಶಾಲೆಯ ಮುಖ್ಯ ಶಿಕ್ಷಕ ವೆಂಕಟೇಶ್, ಶಾಲಾ ಅಭಿವೃದ್ಧಿ ಮತ್ತು ಮೇಲುಸ್ತುವಾರಿ ಸಮಿತಿ ಅಧ್ಯಕ್ಷ ತಿಪ್ಪೇಸ್ವಾಮಿ, ಶಾಲೆಯ ಸಿಬ್ಬಂದಿ ವರ್ಗದವರು, ಗ್ರಾಮ ಪಂಚಾಯಿತಿಯ ಸದಸ್ಯರುಗಳು, ಊರಿನ ಗ್ರಾಮಸ್ಥರು ಹಾಗೂ ಪೋಷಕರು ಮಕ್ಕಳಿಗೆ ಅಭಿನಂದಿಸಿದ್ದಾರೆ.

The post ವಿಜ್ಞಾನ ವಸ್ತುಪ್ರದರ್ಶನ : ರೇಖಲಗೆರೆ ಲಂಬಾಣಿ ಹಟ್ಟಿ ಸರ್ಕಾರಿ ಪ್ರೌಢಶಾಲೆ ಜಿಲ್ಲಾ ಮಟ್ಟಕ್ಕೆ ಆಯ್ಕೆ first appeared on Kannada News | suddione.

source https://suddione.com/science-exhibition-rekhalagere-lambani-hatti-govt-high-school-selected-for-district-level/