ಸಮಗ್ರ ಸುದ್ದಿ

ಆಸ್ಟ್ರೇಲಿಯಾದಲ್ಲಿ ನಡೆಯಲಿರುವ ಟಿ20 ವಿಶ್ವಕಪ್‌ (T20 World Cup) ಆರಂಭಕ್ಕೆ 20 ದಿನಗಳಿಗಿಂತ ಕಡಿಮೆ ಸಮಯ ಉಳಿದಿದೆ. ಟೀಂ ಇಂಡಿಯಾ (Team India ) ತನ್ನ ಮೊದಲ ಪಂದ್ಯವನ್ನು ಅಕ್ಟೋಬರ್ 23 ರಂದು ಆಡಲಿದ್ದು, ಅದಕ್ಕೂ ಮೊದಲು ಜಸ್ಪ್ರೀತ್ ಬುಮ್ರಾ (Jasprit Bumrah) ಗಾಯಗೊಂಡಿರುವುದು ತಂಡದ ತಲೆನೋವನ್ನು ಹೆಚ್ಚಿಸಿದೆ. ಹೀಗಾಗಿ ಬುಮ್ರಾ ವಿಶ್ವಕಪ್​ನಿಂದ ಹೊರಗುಳಿಯುತ್ತಾರೆ ಎಂಬ ವರದಿಗಳು ಈಗಾಗಲೇ ಹರಿದಾಡುತ್ತಿವೆ. ಇಂತಹ ಪರಿಸ್ಥಿತಿಯಲ್ಲಿ ಬುಮ್ರಾ ವಿಶ್ವಕಪ್‌ಗೂ ಮುನ್ನ ಚೇತರಿಸಿಕೊಳ್ಳಬಹುದೇ ಎಂಬ ಪ್ರಶ್ನೆ ಮೂಡಿದೆ. ಹೀಗಾಗಿ ಜಾಣ್ಮೆಯ ನಡೆ ಅನುಸರಿಸುತ್ತಿರುವ ಬಿಸಿಸಿಐ ಬುಮ್ರಾರನ್ನು ಟೀಂ ಇಂಡಿಯಾ ಜೊತೆ ಆಸ್ಟ್ರೇಲಿಯಾಕ್ಕೆ ಕಳುಹಿಸಲು ಸಿದ್ದತೆ ನಡೆಸಿದೆ ಎಂದು ವರದಿಯಾಗಿದೆ. ಬುಮ್ರಾ ವಿಶ್ವಕಪ್‌ನಲ್ಲಿ ಆಡುವುದಿಲ್ಲ ಎಂದು ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ ಇನ್ನೂ ಅಧಿಕೃತವಾಗಿ ಘೋಷಿಸಿಲ್ಲ. ಆದಾಗ್ಯೂ, ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ 20 ಸರಣಿಯ ಉಳಿದ ಎರಡು ಪಂದ್ಯಗಳನ್ನು ಆಡಲು ಅವರಿಗೆ ಸಾಧ್ಯವಾಗುವುದಿಲ್ಲ ಎಂದು ಮಂಡಳಿಯು ಶುಕ್ರವಾರ ಬೆಳಿಗ್ಗೆ ತಿಳಿಸಿದೆ. ಅಲ್ಲದೆ ರಾಷ್ಟ್ರೀಯ ಕ್ರಿಕೆಟ್ ಅಕಾಡೆಮಿಯ ವೈದ್ಯಕೀಯ ತಜ್ಞರು ಅವರನ್ನು ಪರೀಕ್ಷಿಸುತ್ತಿದ್ದು, ಆನಂತರವೇ ಬಿಸಿಸಿಐ ಮುಂದಿನ ನಿರ್ಧಾರ ತೆಗೆದುಕೊಳ್ಳುತ್ತದೆ. ತಂಡದ ಜೊತೆ ಆಸ್ಟ್ರೇಲಿಯಾಕ್ಕೆ ಹಾರಲಿರುವ ಬುಮ್ರಾ ವಿಶ್ವಕಪ್‌ಗೆ ಮುನ್ನವೇ ಬುಮ್ರಾ ಈ ಸಮಸ್ಯೆಯಿಂದ ...

ಬೆಂಗಳೂರು: ನಂದಿನಿ ಹಾಲಿನ ಮಾರಾಟ ದರವನ್ನು ಲೀಟರಿಗೆ 3ರೂ.  ಹೆಚ್ಚಿಸಲು ರಾಜ್ಯ ಹಾಲು ಮಹಾ ಮಂಡಳಿ (ಕೆಎಂಎಫ್) ನಿರ್ಧರಿಸಿದೆ. ವಾರ್ಷಿಕ ಸಭೆಯಲ್ಲಿ ಹಾಲಿನ ಮಾರಾಟ ದರ ಹೆಚ್ಚಿಸುವ ಸಂಬಂಧ ಸರ್ವಾನುಮತದ ನಿರ್ಣಯ ಅಂಗೀಕರಿಸಲಾಗಿದೆ.  ಸಭೆಯಲ್ಲಿ ಪಾಲ್ಗೊಂಡಿದ್ದ ರಾಜ್ಯದ 14 ಜಿಲ್ಲಾ ಹಾಲು ಒಕ್ಕೂಟಗಳ ಅಧ್ಯಕ್ಷರು ದರ ಏರಿಕೆಗೆ ಒಲವು ವ್ಯಕ್ತಪಡಿಸಿದ್ದಾರೆ. ಎಂದು ಕೆಎಂಎಫ್ ನ ಉನ್ನತ ಮೂಲಗಳು ತಿಳಿಸಿವೆ. ರಾಜ್ಯದ ಎಲ್ಲಾ ಹಾಲು ಒಕ್ಕೂಟಗಳ ಹಾಲು ಮಾರಾಟ ದರ ಹೆಚ್ಚಿಸುವಂತೆ ಕಳೆದ 8 ತಿಂಗಳಿಂದ ಕೆಎಂಎಫ್ ಮೇಲೆ ಒತ್ತಡ ಹೇಳುತ್ತಿವೆ. ಈ ಹಿನ್ನೆಲೆಯಲ್ಲಿ ಕೆಎಂಎಫ್ ಅಧ್ಯಕ್ಷ ಹಾಗೂ ಶಾಸಕ ಬಾಲಚಂದ್ರ ಜಾರಕಿಹೊಳಿ ಅವರು ಸರ್ಕಾರಕ್ಕೆ ಹಲವು ಬಾರಿ ಮನವಿ ಮಾಡಿದ್ದರು ಮುಖ್ಯಮಂತ್ರಿಗಳಾದ ಸೂಕ್ತ ಸ್ಪಂದನೆ ಸಿಕ್ಕಿಲ್ಲ. ರೈತರ ಅನುಕೂಲಕ್ಕಾಗಿ ಶೀಘ್ರವೇ ಹಾಲು ಮಾರಾಟ ದರದಲ್ಲಿ ಲೀಟರ್ ಗೆ 3 ರೂ ಹೆಚ್ಚಳ ಮಾಡಲೇಬೇಕು. ಬೆಲೆ ಹೆಚ್ಚಳದ ಸಂಪೂರ್ಣ ಲಾಭವನ್ನು ರೈತರಿಗೆ ತಿಳಿಸುತಲುಪಿಸಬೇಕೆಂದು ಸಭೆಯಲ್ಲಿ ಒಮ್ಮತದ ನಿರ್ಧಾರಕ್ಕೆ ಬದಲಾಯಿತು ಎಂದು ಮೂಲಗಳು ಹೇಳಿವೆ.  ಈ ಕುರಿತು ಸರಕಾರದ ಅನುಮತಿ ಬಾಕಿ ಇದೆ.

ಹೈದರಾಬಾದ್ :  ತೆಲುಗು ಚಿತ್ರರಂಗದ ರೆಬೆಲ್ ಸ್ಟಾರ್ ಎಂದೇ ಖ್ಯಾತರಾಗಿದ್ದ ನಟ, ರಾಜಕಾರಣಿ ಹಾಗೂ ಕೇಂದ್ರದ ಮಾಜಿ ಸಚಿವ ಕೃಷ್ಣಮ್ ರಾಜು ಭಾನುವಾರ ಬೆಳಗ್ಗೆ ನಿಧನರಾದರು.  ಕೋವಿಡ್ ಸೋಂಕಿಗೆ ತುತ್ತಾಗಿದ್ದ ಕೃಷ್ಣಂ ರಾಜು ಹೈದರಾಬಾದ್ ನ ಆಸ್ಪತ್ರೆಯಲ್ಲಿ ಅಸುನೀಗಿದ್ದಾರೆ.  82 ವರ್ಷದ ಕೃಷ್ಣಂ ಅವರಿಗೆ ತೀವ್ರ ಉಸಿರಾಟದ ಸಮಸ್ಯೆ ಕಾಣಿಸಿಕೊಂಡಿತ್ತು.  ಕಿಡ್ನಿ ಹಾಗೂ ಶ್ವಾಸಕೋಶದ ಸೋಂಕಿಗೂ ಒಳಗಾಗಿದ್ದರು.  ಎಂದು ಆಸ್ಪತ್ರೆ ಮೂಲಗಳು ತಿಳಿಸುವೆ. 1998-99 ರಲ್ಲಿ ಆಂಧ್ರಪ್ರದೇಶದ ನರಸಾಪುರದಿಂದ ಎರಡು ಬಾರಿ ಸಂಸದರಾಗಿ ಆಯ್ಕೆಯಾಗಿದ್ದ ಕೃಷ್ಣಂ ರಾಜ ವಾಜಪೇಯಿ ಸರ್ಕಾರದಲ್ಲಿ ಸಚಿವರಾಗಿದ್ದರು.

 ರಾಯಪುರ: ಪತ್ನಿಯು ಮಗು ಹೆರಲು ಹೋದಾಗ ಗಡ್ಡ ಬಿಡುವ ಗಂಡಂದಿರನ್ನು ನೀವು ಕಂಡಿರುತ್ತೀರಿ, ಇಲ್ಲವೇ ವೈಯಕ್ತಿಕ ಆಸೆಯೊಂದು ಈಡೇರಲಿ  ಎಂದು ವರ್ಷಗಟ್ಟಲೆ ದಾಡಿ ಬಿಟ್ಟವರನ್ನು ಕೂಡ ನೀವು ನೋಡಿರುತ್ತೀರಿ. ಆದರೆ ಛತ್ತೀಸ್ಗಡದಲ್ಲಿ ವ್ಯಕ್ತಿಯೊಬ್ಬ ಹೊಸ ಜಿಲ್ಲೆಯ ರಚನೆಯಾಗಲಿ ಎಂದು ಆಗ್ರಹಿಸಿ 21 ವರ್ಷಗಳಿಂದ ಶೇವಿಂಗ್ ತ್ಯಜಿಸಿದ್ದಾರೆ! ಹೌದು, ಮನೆಯೆಂದ್ರಗಡ ಛಿರ್ಮಿರಿ  ಭರತ್ ಪುರ (ಎಂಸಿಬಿ) ಹೊಸ ಜಿಲ್ಲೆಯಾಗಿ ಘೋಷಣೆ ಆಗಬೇಕು ಎಂದು ಆಗ್ರಹಿಸಿ ಗಡ್ಡ ಬಿಟ್ಟ ಹೋರಾಟಗಾರನ ಹೆಸರು ರಾಮ ಶಂಕರ್ ಗುಪ್ತಾ.  40 ವರ್ಷಗಳ ಮುನ್ನ ನಮ್ಮ ಪಟ್ಟಣಕ್ಕೆ ಜಿಲ್ಲೆಯ ಮಾನ್ಯತೆ ಸಿಕ್ಕು, ಸುತ್ತಲಿನ ಪ್ರದೇಶ ಅಭಿವೃದ್ಧಿ ಆಗಬೇಕು ಎಂಬ ಆಲೋಚನೆ ದೃಢವಾಗಿ ಮನಸ್ಸಿನಲ್ಲಿ ಮೂಡಿತು. ಅದಕ್ಕಾಗಿ ಆರಂಭದ ಕೆಲವು ವರ್ಷಗಳು ಸರ್ಕಾರ, ರಾಜಕಾರಣಿಗಳಿಗೆ ಅರ್ಜಿಗಳನ್ನು ನೀಡುತ್ತಾ, ದಾಖಲೆಗಳು ಸಂಗ್ರಹದ ಕೆಲಸ ಮಾಡಿದೆ. ಬಳಿಕ ಗಡ್ಡ ಬಿಟ್ಟು, ನನ್ನ ಮನಸ್ಸಿನ ಸಂಕಲ್ಪ ಈಡೇರಿಕೆಗೆ ಕಡೆಗೆ ಗಮನ ಹೆಚ್ಚು ಗಮನ ಹರಿಸಿದೆ, ಎಂದು ಗುಪ್ತಾ ತಿಳಿಸಿದ್ದಾರೆ. ಗುಪ್ತಾ ಅವರ ಅಭಿಲಾಷೆಯು ಕಳೆದ ವರ್ಷ ಆಗಸ್ಟ್ ನಲ್ಲಿ ನೆರವೇರಿದೆ. ಎಂಸಿಬಿ ಜಿಲ್ಲೆಯ ಛತ್ತೀಸ್ಗಡದ 32ನೇ ಜಿಲ್ಲೆಯಾಗಿ ರಚನೆಯಾಗಿದೆ. ಆ ಬಳಿಕ ಶೇವಿಂಗ್ ಮಾಡಿ, ಗಡ್ಡ ತೆಗೆದ ಗುಪ್ತಾ ಅವರು  ಜಿಲ್ಲಾಧಿಕಾರಿ ಕಚೇರಿಗೆ ಭೇಟಿ ನೀಡಿ ಮೊದಲು ಮನವಿ ಮಾಡಿ ಅರ್ಜಿಯನ್ನು ಕೊಟ್ಟಿದ್ದಾರೆ. ಅದರಂತೆ ಮನೇಂದ್...

ಹೊಸದಿಲ್ಲಿ: ದೇಶದ ಇ- ಕಾಮರ್ಸ್ ವಲಯದ ಅಭಿವೃದ್ಧಿಗಾಗಿ ಸಾರ್ವಜನಿಕ ಸಲಹೆ ಆಧರಿಸಿ ರಾಷ್ಟ್ರೀಯ  ಇ-ಕಾಮರ್ಸ್ ನೀತಿಯ ಕರಡು ಸಿದ್ಧವಾಗಿದೆ. ಎಂದು ಕೇಂದ್ರ ಕೈಗಾರಿಕಾ ಉತ್ತೇಜನ ಹಾಗೂ ಆಂತರಿಕ ವ್ಯಾಪಾರ ಇಲಾಖೆಯ ಕಾರ್ಯದರ್ಶಿ ಅನುರಾಗ ಜೈನ್ ತಿಳಿಸಿದ್ದಾರೆ.  ಇ- ಕಾಮರ್ಸ್ ವಲಯದ ಭಾಗೀದಾರರ ಜೊತೆ ಈಗಾಗಲೇ ಸುಧೀರ್ಘ ಚರ್ಚೆ ಆರಂಭವಾಗಿದ್ದು, ಅವರ ಸಲಹೆ, ಸೂಚನೆ ಆಧರಿಸಿ ನೀತಿ ರೂಪಿಸಲಾಗುವುದು. ಇದರಿಂದ ದೇಶದ ಇ-ಕಾಮರ್ಸ್ ವಲಯದ ಬೆಳವಣಿಗೆಗೆ ಅಡ್ಡಿಯಾಗಿರುವ ಅಂಶಗಳನ್ನು ಹೇಗೆ ಎದುರಿಸಬೇಕೆಂಬ ಬಗೆಗೆ ಸ್ಪಷ್ಟತೆ ದೊರಕಲಿವೆ ಎಂದು ಹೇಳಿದ್ದಾರೆ.  ಪ್ರಧಾನಮಂತ್ರಿ ಗತಿಶಕ್ತಿ ಯೋಜನೆಯಡಿ ಅನುಷ್ಠಾನಕ್ಕೆ ಸಂಬಂಧಿಸಿದಂತೆ ಆಯಾ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳು 862 ಅಧಿಕಾರಿಗಳಿಗೆ ಈಗಾಗಲೇ ಭಾಸ್ಕರಾಚಾರ್ಯ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಸ್ಪೇಸ್ ಅಪ್ಲಿಕೇಶನ್ ಆಂಡ್ ಜಿಯೊ-ಇನ್ ಫಾರ್ಮಟಿಕ್ಸ್ ನಲ್ಲಿ ತರಬೇತಿ ನೀಡಲಾಗುತ್ತಿದೆ. ಪಿಎಂ ಗತಿಶಕ್ತಿ ಯೋಜನೆ ಅಡಿ ಸುಮಾರು 500 ಕೋಟಿ ವೆಚ್ಚದಲ್ಲಿ ಇಂಟಿಗ್ರೇಟೆಡ್ ಡೇಟಾವನ್ನು ರಾಜ್ಯಗಳ ಮಾಸ್ಟರ್ ಪ್ಲಾನ್ ಪೋರ್ಟಲ್ ಗಳ ಜೊತೆಗೆ ಹಂಚಿಕೊಳ್ಳಲಾಗಿದೆ. ಇದರಿಂದ ಮೂಲಸೌಕರ್ಯ ಜಾಲ ಯೋಜನೆಯ ಸಮೂಹ ನಿರ್ಮಾಣವಾಗಲಿದೆ ಎಂದು ತಿಳಿಸಿದ್ದಾರೆ.

  ತಿರುವನಂತಪುರ: ನೀರು ಹಂಚಿಕೆ ವಿವಾದ ಇತ್ಯರ್ಥ ಪಡಿಸಿಕೊಳ್ಳಲು ದಕ್ಷಿಣದ ರಾಜ್ಯಗಳು ಜಂಟಿಯಾಗಿ ಪರಿಹಾರ ಕಂಡುಕೊಳ್ಳಲು ಹೊಸ ಮಾರ್ಗ ಅನ್ವೇಷಿಸಬೇಕು ಎಂದು ಕೇಂದ್ರ ಗೃಹ ಹಾಗೂ ಸಹಕಾರ ಸಚಿವ ಅಮಿತ್ ಶಾ ಕರೆ ನೀಡಿದ್ದಾರೆ.  ಕೇರಳದ ತಿರುವನಂತಪುರದ ಕೋಲವಂನಲ್ಲಿ ಆಯೋಜಿಸಿದ್ದ 30ನೇ ದಕ್ಷಿಣ ವಲಯ 'ಕೌನ್ಸಿಲ್ ಸಭೆಯಲ್ಲಿ ಮಾತನಾಡಿದ ಅಮಿತ್ ಶಾ "ಕೇಂದ್ರ ಹಾಗೂ ರಾಜ್ಯಗಳ ನಡುವಿನ ವಿವಾದಗಳನ್ನು ಸೌಹಾರ್ದಯುತವಾಗಿ ಬಗೆಹರಿಸಿಕೊಳ್ಳಬೇಕು. ಅಂತ ರಾಜ್ಯ ವಿವಾದಗಳನ್ನು ಕೂಡ ಪ್ರಾದೇಶಿಕ ಸಹಕಾರ ಬೆಸೆಯುವ ಪರಸ್ಪರ ಒಪ್ಪಂದದ ಮೂಲಕವೇ ಇತ್ಯರ್ಥ ಪಡಿಸಿಕೊಳ್ಳಬೇಕು." ಎಂದು ಸಲಹೆ ಮಾಡಿದರು. 7500 ಕಿಲೋಮೀಟರ್ ಉದ್ದವಿರುವ ದೇಶದ ಕರಾವಳಿ ಭಾಗದಲ್ಲಿ 4,800 ಕಿ ಮೀ ದಕ್ಷಿಣ ವಲಯದಲ್ಲಿದೆ. ಸುಮಾರು 12 ಬಂದರುಗಳು ಇಲ್ಲಿ ಕಾರ್ಯನಿರ್ವಹಿಸುತ್ತಿವೆ.1763 ಮೀನುಗಾರಿಕಾ ಗ್ರಾಮಗಳನ್ನು ಹೊಂದಿರುವ ದಕ್ಷಿಣ ವಲಯ ಸಾಗರ ಉತ್ಪನ್ನಗಳ ವ್ಯಾಪಾರ ಮತ್ತು ರಫ್ತು ಹೆಚ್ಚು ಮಾಡುವ ಬಹುದೊಡ್ಡ ಸಾಮರ್ಥ್ಯ ಹೊಂದಿವೆ ಎಂದು ಅಮಿತ್ ಶಾ ಹೇಳಿದರು.

ನ್ಯೂಯಾರ್ಕ್:  ಜಾಗತಿಕವಾಗಿ ನಡೆಯುತ್ತಿರುವ ಲೈಂಗಿಕ ಹಾಗು ಲಿಂಗ ಆಧಾರಿತ ಸಮಸ್ಯೆಯನ್ನು ಬಲವಾಗಿ ಖಂಡಿಸಿರುವ ವಿಶ್ವ ಸಂಸ್ಥೆ ಮಹಾಸಭೆ, ಎಲ್ಲಾ ದೇಶಗಳು ನೊಂದವರಿಗೆ ನ್ಯಾಯ ದೊರಕಿಸುವ ಜೊತೆಗೆ ಸೂಕ್ತ ಪರಿಹಾರ ದೊರಕಿಸಿ ಕೊಡುವಂತೆ, ಟಾಕೀತು ಮಾಡಿದೆ.  ಜಪಾನ್ ಮತ್ತು ಸಿಯೆರಾ ಲಿಯೋನ್ ಮಂಡಿಸಿದ ಜಂಟಿ ನಿರ್ಣಯವನ್ನು ಸಾಮಾನ್ಯ ಸಭೆಯಲ್ಲಿ ಅಂಗೀಕರಿಸಲಾಯಿತು. ಲೈಂಗಿಕ ದೌರ್ಜನಕ್ಕೆ ಪರಿಹಾರ ಕಂಡುಕೊಳ್ಳಲು 'ಅಂತರಾಷ್ಟ್ರೀಯ ಸಹಕಾರ ಹಾಗೂ ನ್ಯಾಯಾ'ಲಯದ ಹೆಸರಿನಲ್ಲಿ ಮಂಡಿಸಿದ ನಿರ್ಣಯ ಮಹಾಸಭೆಯಲ್ಲಿ 2-1 ಮತಗಳ ಅಂತರದಿಂದ ಅಂಗೀಕಾರಗೊಂಡಿತು. ನಿರ್ಣಯದಲ್ಲಿ ಹಿಂಸೆಗೆ ಒಳಗಾದವರಿಗೆ ಸಹಾಯ, ಪರಿಹಾರ ನೀಡುವುದು, ಲೈಂಗಿಕ ದೌರ್ಜನ ತಡೆಗೆ ದಾರಿ ಹುಡುಕುವುದು, ಅಂತರಾಷ್ಟ್ರೀಯ ಮಟ್ಟದಲ್ಲಿ ಇಂತಹ ಪ್ರಕರಣಗಳನ್ನು ತಡೆಯಲು ಒಗ್ಗೂಡಿ ಕೆಲಸ ಮಾಡುವುದಕ್ಕೆ ಒತ್ತು ನೀಡಬೇಕು ಎಂದು ಹೇಳಲಾಗಿದೆ.

ಲಂಡನ್: ಬೋರಿಸ್ ಜಾನ್ಸನ್ ತೊರೆದು ಬ್ರಿಟನ್ ಪ್ರಧಾನಿ ಸ್ಥಾನ ತುಂಬ ರೇಸ್ನಲ್ಲಿ ಇನ್ಫೋಸಿಸ್ ಸಂಸ್ಥಾಪಕ ನಾರಾಯಣ ಮೂರ್ತಿ ಅವರ ಅಳಿಯ ಹಾಗೂ ಮಾಜಿ ವಿತ್ತ ಸಚಿವ ರಿಷಿ ಸುನಾಕ್ ಅವರಿಗೆ ಹಿನ್ನಡೆ ಉಂಟಾಗಿದೆ.    ಅವರ ಪ್ರತಿಸ್ಪರ್ಧಿ ಕನ್ಸರ್ವೇಟಿವ್ ಪಕ್ಷದ ನಾಯಕಿ ಲಿಪ್ ಟ್ರುಸ್ ಅವರು ಕಳೆದ ಆರು ವಾರಗಳಿಂದ ನಡೆದ ಪ್ರಚಾರ ಸಭೆಗಳು, ಸಂವಾದದಲ್ಲಿ ಜನರು ಹಾಗೂ ಪಕ್ಷದ ಸಂಸದರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದ್ದಾರೆ. ಎಂದು ಯೂಗವ್ ಡಾಟ್ ಪೋಲ್ ಸಮೀಕ್ಷೆಯಿಂದ ತಿಳಿದು ಬಂದಿದೆ. ರಿಷಿ ಹಾಗೂ ಟ್ರುಸ್ ನಡುವೆ ಯಾರು ಗೆದ್ದಿದ್ದಾರೆ ಎಂಬ ಕುರಿತು ಸೆಪ್ಟೆಂಬರ್ 5, ಸೋಮವಾರದಂದು ಅಧಿಕೃತ ಘೋಷಣೆ ಹೊರ ಬೀಳಲಿದೆ. ಅದಕ್ಕೂ ಮುನ್ನ ಸಮೀಕ್ಷೆ ಪ್ರಕಾರ ಜುಲೈ 20-21ರ ನಡುವಿನ ಮೊದಲ ಸುತ್ತಿನ ಪ್ರಚಾರದಲ್ಲೇ ಟ್ರುಸ್  ಅವರು ರಿಷಿಗಿಂತ ಶೇ 62 ರಷ್ಟು ಮುನ್ನಡೆ ಸಾಧಿಸಿದ್ದರು.